قافلة قريش

(1)
ريد التابه وشوق اليابه
لاخلاك تنشري سحابه
لااوحالك مره كتابه
*****
مرو سنين والسكه رسايل
مني عليكى ومنك مافي
حاجه تصبر لو عوافي
رغماً انو البينا متلت
كان اتفرتك قوى اتفرتك
ربك حول وجه القبله
بعد الناس للمقدس صلت
قادر اشتل مليون صحرا
مادام فــ الامال والبذرة
والله كريم بيجود بالمطره
واللا يلين قلب الصخرة
البيحب لـ اخر ذرة
ما بـتراجع مثقال ذرة
والبيعيش الريدة كفكرة
يبقى فراش والعالم زهرة
(2)
أى رساله بعتها وصلت
يومى ظنونى تفضى وتملا
ولي رسلتى ردودك طشت
جاي لى جاي القالك عله
بين النار والشك النمله
قلب العاشق زي الطفله
تقرا خواطرى الذكرى مجله
راسم صورتك بت (مادلا)
شفتها تملا !!
بقيت الجدول
خدر ريدك واقف اعزل
مارشيتى عليهو الطل
لمن طال الغيمه وعزل
صدك سنه عليهو المنجل
وين بالله غيومك رشت
داير اوصي العرب الرحل
يمشوا محل الغيم مانزل
مرو سنين والخلا ماسيل
والحال زقاقاً عرضوا سيف
والدنيا حر
(3)
جات القوافل راجعه صيف
ابداً ولاجابت خبر
جات القوافل فى الشتا
ابداً ولاجابت خبر
الليله جات قافلة قريش
متوقع اشواقك تحج
وتركب معاهم فد سرج
وودع الشجن الاليم المستبد
والاهه والحمى ام برد
نفر نفر
قافلة قريش .. خاطرى انكسر
ماينكسر خاطرك فـ يوم
قافلة قريش .. ترجع مطر
تحيا وتعيش شعرة معاويه
حريقه فى باقي الشعر
زمنك لعين كان قاصدا
سواده شيب ومافكر
بقى خيطا ابيض فى الفجر
عليهو امسك ومافطر
ودعينى صنقر للصباح
طرز ملايات السهر
ارجوكى شيلى الابره منو
بلاكى مابـ يامن نفر
(4)
يانهر جاري وكت نبع
ماحب كيزان الدهب
غرفت منو انا بالقرع
يا الضحكتك لون المناديل
البتستهوى المطر
وروح الفراشات المثبته فـ الصور
صمتك خيوط والوان كتار ماليها حد
ارجوكى طرزى للفراشات البيض
البي تطير كل مانعاين
وتدقش النظرات بعض
(5)
ضلع الرجا
كل مايضربن فى البلد
بشرنا بالخير للارض
بى طولا زغردت البلد
انا وانت نيل
خلي المشايخ والعمد
يتكتلو فى الطين المرق
الناس على الشدر الرهين
يجارو يومى سبق سبق
يوماً يخر فيهو العرق
ويحت من الشدر الصفق
نتلاقى نشابك سوى
شدرة مبادي بلا صفق
(6)
دا انا كنت بستغرب زمان
كيف الوطن يصبح عيون
وكيف العيون تصبح وطن
لقيتك اكبر من وطن
جاكى الزمن
ملستى زيو زي القطط
فكيتى خاطرو شرحتى لي
سر البياض الـفـ اللبن
والفـ الكفن
والضحكة فى السر والعلن
(7)
وادعتك واتفارقنا بلا نرضى
اديتك نعلى
وانا ماشى على الرمضا
وكنتى مصره الريح لابد
تخلي الفوضى
تبيع اكياس
يجاروا اطفالنا على الروضه
احبك لابتقتنعى
ولا الريح حاترضى

المشاركة الأصلية كتبت بواسطة بت الباوقه

مرو سنين والسكه رسايل
مني عليكى ومنك مافي
حاجه تصبر لو عوافي
رغماً انو البينا متلت
.
.
.

البيحب لـ اخر ذرة
ما بـتراجع مثقال ذرة
والبيعيش الريدة كفكرة
يبقى فراش والعالم زهرة
.
.
أى رساله بعتها وصلت
يومى ظنونى تفضى وتملا
ولي رسلتى ردودك طشت
جاي لى جاي القالك عله

.
.
.
وادعتك واتفارقنا بلا نرضى
اديتك نعلى
وانا ماشى على الرمضا

مشكورة (بت الباوقة)

قصيدة جميلة ويلا ابدعي اوعا تقيفي

لسا منتظرين منك اكتر

مشكــــــــــــــــورة

ربك حول وجه القبله
بعد الناس للمقدس صلت
قادر اشتل مليون صحرا
مادام فــ الامال والبذرة

مرو سنين والسكه رسايل
مني عليكى ومنك مافي
حاجه تصبر لو عوافي
رغماً انو البينا متلت
كان اتفرتك قوى اتفرتك

مشكووووووووووووووور