شتيلة ريـــــــــــــــد

ماتت شتيلة ريد جواك مشتوله
لاجنبها اتهنيت لاضقت محصوله
صادوها صيادين قبال تتم حوله
ورموها جم عينيك بى قسوه مكتوله

يا ناصر الاحزان ايامة ممهوله
وزول ماشبع اهات ما بيدرى بى طوله
تبره الهموم بتضيع فى سكة مجهوله
ويوم تبتسم بتكون ابطلت مفعوله
رغم انك انت رهيف والدمعه ماك زوله
وروحك ملانه يقين وبالرقّه مأهوله
الا الفراق هزاك دى الدنيا منعوله
دايما تضيق بالزول بى عرضها وطوله
خلى الدموع تنساب تتجارى لى حوله
واحزن على المحبوب واعلن فراق زوله
تهواكا بى اخلاص بى فعلها وقوله
واجمل مشاعر ريد حاويه مرسوله
ناصر دروب الريد ليك ماها مقفوله
اعشق بنيت العم قود انت اسطوله
حلوه وقوامه بديع مفدوعه مجدوله
وراقيه وتريدك موت وبالعفه مغسوله
اديها ريد وحنان بالجمله مبهوله
خليها فى ذكراك لاتبق مجهوله
خليها فى عينيك طوالى محموله
وخليها ديمه تكون فى خاطرك الاولى
اما القصد يازيك مشكلتو محلوله
لو يحمل الآلام ويصبر على هوله
يلقاها منو بعيد من جيهتو معزوله
ومن نوع فعايلو اكيد لى الليله مزهوله
العيشه ماها قروش ولا كلمه معسوله
العيشه ريد ووئام ومحبه مسئوله
حلقات شعور واحساس بى دقه موصوله
والفه وموده يبين فى النظره مدلوله
كيف يرتبط انسان بى واحده مو هوله
ويقدر يحبها كيف وبى غيرو مشغوله
وعارف قليبه معا وفى حبو مكتوله
يقدر معاها يعيش يا اخوانا معقوله؟؟؟

تسلم ياحسام

حلقات شعور واحساس بى دقه موصوله
والفه وموده يبين فى النظره مدلوله