التوب واللابس التوب

يعتبر الثوب السوداني جزءاً من التراث الشعبي
وهو زي يميز السودانيات عن غيرهن خاصة عندما يكن خارج بلادهن
ولا يخلو اى بيت سودانى من التوب
ولا انسى فى سن الحادية والثانية عشر كيف اننى كنت اجرجر توب امى فى محاولات فاشلة لتقليدها

ولم ينسى شعراؤنا التوب وست التوب
فامتلئت الاغنيات السودانية بوصف رائع له مثل
يا بلدي يا حبوب، يا أبو جلابية وتوب

شوف عيني الحبيب بي حشمة لابس التوب
والتوب زاد جمالك زينة يالمحبوب

عقلي يتوه معا نورة لمَّا تكمِّل الرقصة
وتقلب توبا فوق راسا وتقول كدي تجري تندسه



والتوب السودانى كان ومازال سمة لكل سيدة
وقد لازمها من هى فتاة شابة مرورا بها وهى عروس ثم وهى ام الى سيدة عجوز

والتوب السودانى تنوع على مر العصور
بداية بتوب الزراق وتوب الدمورية والكرب
ومرورا بالاستقلال والمظاهر وتوب الجيران
ثم الجاكار والكمبيوتر وانتهاءا باوكامبو

الحفيدة سلام

حينما نتحدث عن الجلابية او التوب فاننا نتحدث عن تراث شعبي يحكي عظمة السودان وروعته هي من اجمل ما ما يمز الشعب السودان من حيث المظهر ، لكن يا الحفيدة للأسف الشديد بدأت محاولات في (عرينة التوب) يعني تلقا التوب زي الناموسية شفاااااف وتحتو تلقا الفنيلة الكط ، وخايف انوتدريجياً يبقا دا ياهو التوب السوداني الذي يمزنا ، ولاغريب في الامر ان هذا التوب بيضيف جاذبية وجمال علي الشابة اكثر من (الموضة) ومحتشم ، والتوب هو ملهم الكثيريرن من الشعراء:

(متين لبستي التوب متين كبرتي عليا انا ياغزال الحي)

الموضوع جميل شديد ولكني علي عجلة وبجا بي مهلي يا الحفيدة لأنو (التوب دا عزيز علي)

ياالحفيده هبشتي موضوع اكتر من مهم . التوب ارث سوداني جميل يزين المرأة السودانية ويزيدها جمالاً وبي صراحة شديده انا لما اكون لابسه توب بحس اني في كامل اناقتي وبالجد بحب البس التوب لكن الايام دي ذي ماقال اخوي (شبرون) ظهرت انواع مختلفه للتوب افقدته هيبته تلقا الواحدة لابسه توب زي شريط الرتينه شفاااف لابسه التوب لكن زي السريحة الفي الضفر ظاااهره من جوه . جنس دا يسمو شنو والحكمه رجالنا مبارين نسوانن بالشكل دا .
تخريمه : غايتو العاوز يصاحبني يجيب لي توب هديه

الأخت العزيزة حفيدة بت خالد وجميع المتداخلين الكرام
لكم أطيب تحياتي
نعم التوب إرث سوداني ومميز للمرأة السودانية وله مزاياه الخاصة التي تميزه على غيره والكل يعرفها ولا داعي للخوض فيها، ولكن إلا توافقوني على أن التوب ليس عملياً بالصورة المطلوبة خاصة وأن المرأة قد ولجت مجالات الهندسة والميكانيكا والكهرباء وغيرها.
كانت لنا زميلة تعمل كاتبة تعاني كثيراً من الثوب الذي كثيراً ما يتراكم على لوحة المفاتيح، هذا على أبسط الفروض.
يا اللابس التوب
وشايل لاب توب
خليتا فؤادي
في نارو يذوب
لك جميعاً تحياتي

شبرون
التراث الشعبى ده لازم نحافظ عليه
لانو التوب وقار واحترام
وخصوصا بعد الحاجات الطرأت عليه وتحاول ان تنقص من مكانته
وفى تياب اخير عدمها

مرورك كان الاجمل

بت الباوقة اللذيذ تفاحا

انا من زمان بحب البس التوب
وكنت بامشى بيهو لناس خالتى واقعد هناك بدونه
ولما ارجع انساهو وفى البيت حبوبة تقول لى (يا بت توبك وينو)

البسى توبك الشئ اليسير يلفتنا
يالكلك محاسن وكل قامتك فتنه
انت عروض رجال ونحن الرجال بصفتنا
نحب التوب وست التوب مقدرة كلما وافتنا
اوعك تمشى كاشفة معريات كتفاتك
وتراقيك ومرافقك يكون رشادك فاتك
شرى التوب عليك ونومى فى غرفاتك
ان شاء الله العافية دايما مهدك ولحفاتك


تخريمة
عربون صداقتك قيم

ميرغنى النقى
نتفق انه ارث سودانى مميز ويجب الحفاظ عليه
وايضا نتفق معك انه معيق لحركة لبنات الهندسة والميكانيكا والكهرباء
وعليه ان تستبدله بلبس محتشم اثناء ساعات العمل

ولكن فى الاوقات التانية ما حنعفيها منه

جابلي فركي دموع التجار .. وجابلي توب اسمو الحمام طار
جابلي جلابيي جورجي .. وجابلي توب اسمو تبنقلي

شبرون عزيز عليك ولا شنو ما سمعته كويس ااااا

الحفيدة سلام هطال

رغم انو الموضات تمر واحدي بعد الاخري الا انو التوب السوداني عمرو موضوتو ما حاتنهي وحايظل ابد الاوابد يرمز لتراثنا الاصيل ورغم المستجات الدخلت علية الا انو لسة يحمل معاني الاصالة والتراث
وتشكري علي الطرح الجميل

ايوا عزيز على:

حينما رأيتها (موضة) قلتا مافى اجمل من كدا ودا القمر زاااااااااااااااااااتو . ولكن حينما اتت على عجلة من امرها وسرقت توب امها ( قمر شنو والله بظلما) بالتوب حاجة تانية حشمة وجمال و........... اللهم انى صائم.

والله العظيم لو تعرف الفتيات قيمة التوب وجمالو وسماحتو وحشمتو مافى واحدا بي تمشي موضة بس هى ماتلبسو عشان ما يجيب ليها العين .

لكن بالجد بالجد وبصفة عامة التياب احلى ارقى

المشاركة الأصلية كتبت بواسطة ود كريمة (شبرون)

ايوا عزيز على:

حينما رأيتها (موضة) قلتا مافى اجمل من كدا ودا القمر زاااااااااااااااااااتو . ولكن حينما اتت على عجلة من امرها وسرقت توب امها ( قمر شنو والله بظلما) بالتوب حاجة تانية حشمة وجمال و........... اللهم انى صائم.

والله العظيم لو تعرف الفتيات قيمة التوب وجمالو وسماحتو وحشمتو مافى واحدا بي تمشي موضة بس هى ماتلبسو عشان ما يجيب ليها العين .

لكن بالجد بالجد وبصفة عامة التياب احلى ارقى

شبرون:
ياود والله انت خطير عديل كدا
أقول شنو بس

حفيدنا الجميلة:
والله موضوعك تحُفة وجميل زيك كدا من غير اي مجاملة
تصدقي انا بلبس التوب في كل مناسبة سودانية(وآخر قشرة)
وياهو عزنا الله لا حرمنا منو

اول مره اشوف الموضوع ده

مع انو من 26 شهر 5


موضوع مميز ورائع


والاروع به ردود قيمه

تحينى

المشاركة الأصلية كتبت بواسطة امرى ون

اول مره اشوف الموضوع ده

مع انو من 26 شهر 5


موضوع مميز ورائع


والاروع به ردود قيمه

تحينى

العتب علي النظر وعموما منتظرين مداخلتك في الموضوع