رائعة محمد سفلة

هي مجموعة من القصائد التي كتبها الشاعر الرائع دوماً محمد سيد أحمد الحسين (سفلة) تحكي عن قصة محمد وفاطنة محمد سافر الخرطوم وما لقى شغل وفاطنة قاعدة في الشمالية وحصلت بينهم خطابات والخطابات دي عبارة عن رسائل ولكم اول ثلاثة رسائل لو لقيت الردود مشجعه سوف اقوم بتكملة الرسائل الثلاثة الاخري
أول رسالة من فاطنة بتقول فيها:
محمد تاني ما رسّل ولاتاني البلد جاها
محمد في الصعيد أدمن فعايله السمحة شناها
بدل عراقي سوا قميص واعظم لبسة شكاها
وبقى نص وشيه فريم خلاص قرويتو أخفاها
****************************
يقوم محمد يقراء الرسالة دي ويكتب لي فاطنة الرسالة التالية
محمد ماهو مابي الجية لكن بس حاكما ظروف
محمد ياااااااااحبيبة روحو مطعون في الكبد والجوف
التاجر كمان قوليلو دينك راح يجيك مردوف
ويا حليتو ديناً فوقي يا جيت في كفن ملفوف
************************************
تقوم فاطنة تقراء الرسالة دي وتكتب لي محمد الرسالة التالية
مابي الجية تّب راميلو فوقي عيال
محمد تاني ما رسل محمد قاطع المرسال
أسال من ولادك كان قصار وطوال
واسأل مني أنا الشبعانة في الاهمال
التاجر دوام قايلي يا زولة حسابك طال
راجلك مالو ما رسل راجلك مالو ما شغال
وفوق حملي التكلتو علي السامعاهو ما بتقال

شكرا ياكريم يامبدع ماقصرت ضمه

ياسلام عليك ويا الله اديا بقية الخطابات يامبدع

الكلام دا جواهر عن جد انتو بتجيبوهو من وين

الله عليك وعلي محمد سفلة ودايرنك تتم باقي الرسايل

الف الف الف شكر