بعد ان كان مسيطرا على الحفلات في الشمالية

السلام عليكم ورحمة الله وبركاته
(الطمبور صديقنا وعزنا وملجأنا نسمع فيهو من قمنا لا ملينا لا ملانا) عبارة تتردد كثيراً في الولاية الشمالية. حتى وقت قريب كانت أغاني الطمبور هي الاولى في الشمالية وفي ديار الشايقية على وجه الخصوص في مناسبات الأعراس والمناسبات العامة، حيث يحرص الجميع في إحياء مناسباتهم على فناني الطمبور أمثال ثنائي العامراب، صديق أحمد، محمد النصري، عوض الجرف، عبد الرحيم البركل، وغيرهم من الفنانين يحيون هذه المناسبات بروائع أغاني الطمبور، أما الأغاني الحديثة فكانت نادرة الوجود وتقتصر على فئات بسيطة لا تذكر.
لكن يظهر أن الوضع قد اختلف تماماً، ففي فترة زيارتي للشمالية لقضاء عيد الأضحى المبارك وسط الاهل بمدينة كريمة لاحظت أن جميع مناسبات الفراح التي أقيمت في كريمة وضواحيها خلت تماماً من أغناني الطمبور وظهرت السيطرت الواضحة للأغاني الحديثة بالوغن وغيره، إضافة إلى أن الأغنيات التي تغنى هي نسخة طبق الأصل من أغاني حفلات الخرطوم أمثال (قنبلة.. ناس الخرطوم بتحبو..) وغيرها.

صحيفة السوداني
رايكم شنو في الكلام دا

أخوي طلال بابكر ..أول حاجة مرحب بيك في منتدانا .. وحبابك ألف ..
تانيا كلامك دا والله كلو وجع ومغسة بالزات لينا نحن المغتربين الواحد بيحسب الايام متين يرجع السودان شان يحضرلو حفلة بي طمبور ..كان في الخرطوم كان في البلد .. وتجي تقوللي ناس البلد خلو الطنابير ..والله دا احباط ووجع قلب بس ..مافي كلام ...


تسلم يا رائع علي مشاركتك وفي انتظار المزيد من الطرح الهادف

المشاركة الأصلية كتبت بواسطة طلال بابكر

السلام عليكم ورحمة الله وبركاته
(الطمبور صديقنا وعزنا وملجأنا نسمع فيهو من قمنا لا ملينا لا ملانا) عبارة تتردد كثيراً في الولاية الشمالية. حتى وقت قريب كانت أغاني الطمبور هي الاولى في الشمالية وفي ديار الشايقية على وجه الخصوص في مناسبات الأعراس والمناسبات العامة، حيث يحرص الجميع في إحياء مناسباتهم على فناني الطمبور أمثال ثنائي العامراب، صديق أحمد، محمد النصري، عوض الجرف، عبد الرحيم البركل، وغيرهم من الفنانين يحيون هذه المناسبات بروائع أغاني الطمبور، أما الأغاني الحديثة فكانت نادرة الوجود وتقتصر على فئات بسيطة لا تذكر.
لكن يظهر أن الوضع قد اختلف تماماً، ففي فترة زيارتي للشمالية لقضاء عيد الأضحى المبارك وسط الاهل بمدينة كريمة لاحظت أن جميع مناسبات الفراح التي أقيمت في كريمة وضواحيها خلت تماماً من أغناني الطمبور وظهرت السيطرت الواضحة للأغاني الحديثة بالوغن وغيره، إضافة إلى أن الأغنيات التي تغنى هي نسخة طبق الأصل من أغاني حفلات الخرطوم أمثال (قنبلة.. ناس الخرطوم بتحبو..) وغيرها.

صحيفة السوداني
رايكم شنو في الكلام دا

الاخ طلال بابكر لك التحايا بلا عدد وللاهل بكريمة كل الود
الطمبور نفارقو النار تبق جوانا..احلامنا العراض تحرق كانها دانه
معروف من زمان طمبورنا فيهو دوانا..من غيرو الوجود يبقالنا زي زنزانا
اينما ذكر الشمال تربع الطمبور علي عرش قلوبنا لانو هو الآلة الوحيد المتكاملة التي ارتبطت ارتباط وثيق مع اهل المنطقة مع تطويرها من جيل لاخر علي نفس الآلة من ايقاع بطئ الي ايقاع سريع ولكن لايمكن ان تتطور الي درجة التلاشي لتحتل مكانها آلة اخري مهما كان .. صحيح ان الانسان في عصر تكنولوجيا وتطور ومدي تاثيره بالدول او المدن الاخري قد تجعله يبحث عن ما هو جديد ليتماشي به من الزمن ولكن هذا لايمنعنا ان نطور في موادنا نفسها للاحدث ، ومن المؤسف جداً اخي طلال ان التغيير لم يقتصر علي الة الطمبور فقط وانما تطور ليلحق بمعالمنا الطبيعية بغض النظر عن التفاصيل وحتي لغتنا المعروفة ، وانا بعتقد انو لسه الجاي اعظم مع التطور الذي حدث مؤخراً للمنطقة من سد وجسور وحدائق وغيرها من الاختلاط الخارجي بالبلد
صحيح الزمن صعب لكن نتمني انو الناس تكون علي درجة من الوعي والفهم .. حتي لاتندثر عاداتنا ومعالمنا ، نحنا لانرفض التطور ولكن يكون بالمعقول ، فما معناه انو ماجبت طمبور في الحفلة اكون انسان (رجعي) او ركبت حمار ولا اكلت قراصة اكون كذلك ، انا متاكد بي بساطتنا ومعالمنا وعاداتنا دي الناس تتمني انها تكون زينا او قريبه مننا
وربنا يصلح الحال

ما اعتقد انو الطمبور بنفرط فيهو بالطريقه دي وما اعتقد انو الغنى بالطمبور بمستوى الغنى الحديث مافي مقارنه
والدليل فنانيين الطمبور نفسهم عندهم جماهيرم من الخرطوم يمكن اهلنا فاكرين انو يجيبوا فنان من الخرطوم او يغنوا بالموسيقى نوع من التطور او الرقي حسب مفهوم البعض ولكن سيظل الطمبور المسيطر على المنطقة وما على المنطقة فقط على السودان ككل لانو كل ربوع السودان بعرفوا الغنى الشايقي او غنى الطمبور

تحياتي الأخ طلال
أنا لاحظت منذ أن كنا طلاباً في مدرسة كريمة الثانوية أن أغلب حفلات أهل كريمة واعراسهم كانت تحييها الفرق الموسيقية ونادراً ما كنا نجد حفلة بالطنبور حتى إننا كما نستتغرب هذا الأمر ولكن يبدوا أن اهل كريمة اقرب للمدنية منهم إلى أهل القرى الذين يتمسكون بالطنبور منذ ذلك الوقت وحتى الآن ولا أظن أن عقد الطنبور سينفرط يوماً ما وأن أهل القرى ما زالو يتمسكون به في أعراسهم وحفلاتهم حتى هذه اللحظة .
فلا خوف على الطنبور وستظل سيطرته قائمة إن شاء الله

الرائع طلال

شكرا على موضوعك الرائع الذي يعتبر من الظواهر الدخيلة على منطقتنا
ولعلك في مقالك ضربته مثلا لمنطقة كريمة
"وعلى قولت عوض جلاس"

أنا لاحظت منذ أن كنا طلاباً في مدرسة كريمة الثانوية أن أغلب حفلات أهل كريمة واعراسهم كانت تحييها الفرق الموسيقية ونادراً ما كنا نجد حفلة بالطنبور حتى إننا كما نستتغرب هذا الأمر ولكن يبدوا أن اهل كريمة اقرب للمدنية منهم إلى أهل القرى

لاكن بقيت المناطق يكاد ينعدم فيها الغناء الحديث

ولي عودة

والله ان كان دا حصل بالجد يبقى الناس بدات تتخلى عن اصلها وارثها الثقافى
الضارب بالجزور منذ قديم الزمان ومطلوب منا بذل الجهد لاعادة المياه لمجاريها
بشمانا الحبيب ومن ثم دعم انطلاقة الطمبور والتى بدات فى الانتشار فى جميع
ارجاء السودان ومن الملاحظ ان اى كافتريا او محل عام وفى المواصلات تجد
ان الشريط الشغال هو لاحد فنانى الطمبور
القصد ان الناس هنا فى العاصمة بداوا يتذوقوا فن الطمبور لما وجدوا فيه من حنين
دافق وكلمات معبرة وجياشة تسمو بالروح وتحلق بالقلب فى فضاءات واسعة
تملؤها السعادة ويحيط بها الامل من كل الجوانب
آمل ان نساعد فى انتشار اغنية الطمبور وان نخرج بها من المحلية والاقليمية
الى الدولية وذلك بالمشاركة فى المهرجانات العربية والدولية الاخرى
لكم التحية وتقبلوا مرورى

احييك يا طلال علي الطله الجميله

ما اظن فى يوم نفارق
نغمو طمبورنا ونخلى
اعرف انو قلوبنا داقى
بيهو تفرح وما بتخلى
ولو حصل يوم ما سمعنا
دقة الطمبور تعلى
بيبقى كل اليوم ماسى
ومافى غير طمبورنا قبلى ،،،،،،،،،،،،

ياريت كل الدنيا تبقي .................................................. ............

المشاركة الأصلية كتبت بواسطة العمرابى

والله ان كان دا حصل بالجد يبقى الناس بدات تتخلى عن اصلها وارثها الثقافى
الضارب بالجزور منذ قديم الزمان ومطلوب منا بذل الجهد لاعادة المياه لمجاريها
بشمانا الحبيب ومن ثم دعم انطلاقة الطمبور والتى بدات فى الانتشار فى جميع
ارجاء السودان ومن الملاحظ ان اى كافتريا او محل عام وفى المواصلات تجد
ان الشريط الشغال هو لاحد فنانى الطمبور
القصد ان الناس هنا فى العاصمة بداوا يتذوقوا فن الطمبور لما وجدوا فيه من حنين
دافق وكلمات معبرة وجياشة تسمو بالروح وتحلق بالقلب فى فضاءات واسعة
تملؤها السعادة ويحيط بها الامل من كل الجوانب
آمل ان نساعد فى انتشار اغنية الطمبور وان نخرج بها من المحلية والاقليمية
الى الدولية وذلك بالمشاركة فى المهرجانات العربية والدولية الاخرى
لكم التحية وتقبلوا مرورى

مشكور علي الطرح
ولي عودة