( بسمة ) ابقى ذى ماقلت ليك

يانسمه فى الزمن الحزين
ابقى زى ماقت ليــــــــــك
معطونة بى نور القمر
لابسى العفاف لى كل حين
ماعندى ليك غير الهوى
وطمبور موتر بالحنين
اطفيبو نيران الجوى
واكتبو اغانى المتعبين
كان يحلم البايت القوى
بالعيشى مابين مترفين
يوماتى بحلم بى لقاك
لكنو وين ياحسرة وين
معاكى بحلم زى طفل
نبنى الروكيب والبيوت
اروتى فوق ساقية قصب
اسقيلك احلام جاى تموت
من غير ظنون وبلا شروط
نسكن بيوت العنكبوت
احلامنا نديها البحر
تختفة الموجة وتفوت
ضارى الهموم بى طرحتك
لاتفضحى السر الدفين
لو تجدى دمعات العيون
كان بقت فتحاً مبين
لى ناس بتستلف الصبر
من بكرة كان تحيابو دين
تستنى لى زمناً يجى
راجياه اجيال بالسنين
ابتسمى بتونس معاك
واقيفى زى مالحال وقف
ورينى فلسفة الحياة
لى ناس بتفرح بالصدف
لى ناس يحبو ومعدمين
يتمنو عيشى بلا كلف
تتحقق احلامم متين
لامن يكحلم الخرف
يوم قت اسرق ليك فرح
لومنى همسك بالعظات
قت لى ارجع بى وراك
تاقيتى باب الموبقات
يكفينى انك مؤمنة
مفسولة بى انبل صفات
كل المصائب والمحن
فاتحالة قلبك بى ثبات
اتوشحك لون قوس قزح
ساعة تصب امطار بكاى
ياواقفة مابين الرموش
زى غيمة من حزنى وفاى
من شوقى ليك رغم البعاد
سامع وصاة همسك وراى
ضاريه همك بالفرح
انا مانى لاقى فرح معاى
بتكلمينى عن الهوى
عن قصة الحب التضيع
مابينا مشاوير الحياة
سندان زمن قاسى وفظيع
رغم انو درسنى الصبر
خرجنى لافى بلا وجيع
اجيال من العالم وراى
ركبت قطارات النجيع
نمرق يوهدبنا الرزق
لكنها الارزاق نصيب
نرجع نخاف شبح الظلام
والوحشة والليل الرهيب
نتلاقى تضحكى من بعيد
فى الكتمة ضحكك همبريب
عفواً حبيبتى كما الطيور
عايشين كفاف زمناًعجيب
انا عهدى وانسانة
واقوى من الظروف
شيل الجبال شلتى الهموم
والفاض ملقالو الكتوف
مانتى ياقبلة غناى
ساعة الاغانى عليك تطوف
وصيها ماتشلع عبس
تشلع منارات لى البيشوف
ضويلى من بسمك بروق
تحسس السكة الامان
يلاكى نمشى على عجل
نمرق من الزمن الهوان
نغسل نفوسنا من المطر
نتعافى من رجس الزمان
القاك ونتلاقى الفجر
فى دنيا تانى كما الجنان
نغنى نملا الدنيا ريد
ننشرة فى العالم غمام
نمطربو للاطفال فرح
نعزفلهم لحن السلام
نزرعلهم جوه القلوب
شتل الولف والابتسام
والدنيا اروع ماتكون
وكتين نعيشا بلا خصام

بالجد كده ابدااااااااااااااااااااااااااع

الشووووووووووووق للبلد

والدنيا اروع ماتكون
وكتين نعيشا بلا خصام

الف شكر