لابايدك لابيدي

لا بإيدك لا بإيدي دا الزمان الإختار كدى
نفترق و الفرقة حارة ونرضي بي حُكم الإراده
يوم فراقك طعنة كانت غايرة في اعماق فؤادي
شلَّت الأشواق وصابت حُبي ليكا و سامي ريدي
رغم إني بصوم عليهو وكان فطوري و ياهو زادي
كنت حافظة جميع عهودك وانت جُرت نقضت عهدي
أصلو قالوا البادي اظلم وانت جيت بي ظلمي بادي
شفت من بعدك مصائب كنت فوق نيرانه قاعدي
من أوارا فرش لحافي ومن لهيبه طبق وِسادي
والفرح نافر مجافي تملي شارد مني غادي
زي سراب أحلامنا ودع لا وقف لا دار يهدي
علي مصايبي تراني صابرة والبيصبرالله بَدي
الله بس ياهو البيعلم بي نزيف قلبي وسهادى
ياما ساهرت الليالي وبي نواحي نجومه شاهدي
ساوَّه من ذِكراك غُتايا وفوق لحاف أحزاني راقدي
يازماني كفايا أرحَم فيَّ شمَّتَ الأعادي
خلي ماضينا اليروح زي سحابة صيف يعدي
ماني دايره أعيش زماناً فيهو ما إنتم قصدي
ماني دايره أعيد زماناً ما عِرف قِيمة وجودي
ماني دايره أعيد زماناً سدَّ بيني وبينو وادي
وماني دايره أعيد زماناً ذكرا تاورا ومعاودي
ودايره انسي الذكرى ذاته رغم انها فيَّ خالده
إنضرب قلبي الحنين بي سهم ريداً مصدي
خل مرضَّ الموت يناوش في الفؤاد كتَّال ومُعدي
خلَّ في أعماقي ذكرى كلما أنهيها بادى
امام عيونى بشوف تملى صورة من ماساتى هدِّى
إعتزلت الريدة بعدك وفي الغرام حصلت حَدي
وفي هواك كفاي مآسي والعشق سكينو حادي
وإحتمالات عودتي ليك في العَقُل تب ماها واردي
والغرام حرمان عليَّ من زمان طاراهو عهدي
كيفن الدَّغ مرة تانيه وكان قبل دا أنا ضُقتَ واحدي
دابي من تعذيبك إرتح تاني كيف أرجعلو صَادِي
الكرامة وقيمي ترفض وكبريائي والمبادي
انسي زي مانسيتك اسع صرت انسان عادي عندي
وعاند الذكرى الأليمة تراني لي ذكراك معاندي
وكل ما تملك من مشاعر لي شريكة عمرك أدي
وأبقي عشرة علي شريكتك وأبدا ابقي معاها جادي
ومهما فات بي الزول خيالوالعَقُل ياهو البيهدي
والقليب كان راد وحب تاني ماظنيت يعادي
والحبيب كان حب صح صح للحبيب بالروح بيفدي
دي الحياة وسنته ياحبيب مَرة تاخد ومرة تدي
لا نعيم أفراحه دايم لا نواح أحزانا أبدي
لا الحناسة تجيب رضاها لابتقلب احكامه شدى
يوم حناضل القوز طعيمة ويم مزاق ايامه شهدى
ولينا ساله تملى سيفه وفينا حكم اقداره حدى
والمصائب ديمه عامه والفرح تبشيرو فردى
ابتسم وامسح دموعك الحزن ماظنو يجدى
والفراق لسع مواصل لا انتهى ولا بينا مبدى

الله عليك يا حسام يا رائع
مشكوووووووووور على القصيدة الرائعة
والاجمل فيها انك كاتبها كلها من غير نقصان
الله يديك العافى وابدع ونحن منتظرنك
لك كل الود

والحبيب كان حب صح صح للحبيب بالروح بيفدي
دي الحياة وسنته ياحبيب مَرة تاخد ومرة تدي
لا نعيم أفراحه دايم لا نواح أحزانا أبدي
لا الحناسة تجيب رضاها لابتقلب احكامه شدى
يوم حناضل القوز طعيمة ويم مزاق ايامه شهدى

والفرح نافر مجافي تملي شارد مني غادي
زي سراب أحلامنا ودع لا وقف لا دار يهدي
علي مصايبي تراني صابرة والبيصبرالله بَدي
الله بس ياهو البيعلم بي نزيف قلبي وسهادى


لالالا بالجد مافيها كلام ولا أروع من كده وصف ومعايشة للمعاناة بين إبعاد كل حبيبن تم تفريق شملهم ...

بنت كعب/ انة المجروح/لحن الغروب . هذه الاسامي الجميلة لكم التحية وشكرا علي مروركم الجميل لابيدكم ولابيدي..

زي سراب أحلامنا ودع لا وقف لا دار يهدي
علي مصايبي تراني صابرة والبيصبرالله بَدي

[flash=ربنا يحفظك لينا شاعرنا العزيز والله قصيده ما فيها كلام]width=400 height=350[/flash]

مشكـــــــور
وتقبل مــروري