نسايم أشواقي

فسراع يا نسايم أشواقي وذّن لي الســلام مطبوق
لأهلنا وجميع حبانا في الحلي التحت والفــــوق
هبي على الشمال تلقيه ده المال فوق جريده يتوق
يتراقص مع نغمات قماريه .. التسوي القوق
بي طيبة الحنان يلقاك يهش ليك ويطول لا فــوق
ويكتّر في السلام يقلد مثل عاشقاً لقى المعشـــوق
هناك ساقة محاضنة النيل تدفق في دموع الشوق
تتبكى وتبكي الزول وكت نص الليالي تسوق
باري جديولها "طلعي فوق وشوفي دحين شنو المسيوق
وبعدين بي بشيشك لفي قدّامك شتيل مـــــكروق
داك حالي الرحل مندلي جايب للخضار ماروق
وداك بدّر يحش في قشيشو عجلان باقي لاحق السوق
وداك قرّاع مقرن مويتو فتران دار شويّ .. يروق
عشان يفتل حبيل يربطبو قادوساً نعس مطلوق
ديل أهلي الحنان يا نسمه أهديهم سلامي وشوق
طوّل داير أزورهم مرة إلا قديمي .. ما مطلوق
وإن سألوكي عن أحوالي البي ما يصيب مخلوق
تاهت بي مراكب الغربة لا ريس ولا واسوق
والدرب المسافر بيه من طوله بتهابه النوق !!
خمس سنين قعد في ظلامه ما بان لي صياحه شروق
أساهر الليل مع الباكنوا يتجارى الدمع سبلوق
وأبكي على الزمان الفات وما أظن البفوت ملحوق
إسلب اللحم من جسمي وأصبح طب عضام وعروق
وأما قليبي لو شافوه بي نار الغرام مشقوق
لا لاقي اليحن في حالي أو زولاً عليّ شفوق
وإن بقى عاد دي حالتي البيّ ما أظن للسعادة أضوق

طوّل داير أزورهم مرة إلا قديمي .. ما مطلوق

وإن سألوكي عن أحوالي البي ما يصيب مخلوق

شكرا لك ياحنين

الله يكفيك شر الالم

مبدع والله شكرا

ويكتّر في السلام يقلد مثل عاشقاً لقى المعشـــوق

هناك ساقة محاضنة النيل تدفق في دموع الشوق