سحيبات

غناء: عبدالرحيم البركل



السحيبات ..

واديك الروا و أنا بالدموع ما روت
ابكن يا سحيبات ما كفايا بكيت..

قوللي يا سحاب ايه السبب في بكاك ..
بكاك العلي أم لبكاي بكيت ؟؟
انت لو حنيت تشوف وادي الرمال و الصيد
ايه مانعك تشوفو لسماهو عليت
ما هسع تخدر و تسرح الغزلان
ويبقى تشوفها لو كان انتظرت رجيت
أما انا كيف اشوف زولا علي بعيد
متوسد همومو فوق جحيمو أبيت ..
من فارقت واديك قلت تميت حول
كيف يبقى العلي و انا بالسنين عديت
صابر يا سحاب حولا وراه الحول
و عارف يوم وقع في حبو ما سميت
تراك وسط الدموع تضحك بريقك شال
أما انا يحليلي عمري ما فريت
أدكن حظي منك يا سحاب بكتير
واسود من دموس ليلا عليه امسيت
قالو لي الغرام أفراح نعيم و سرور
يوم دقيت بابو بلا الدموع ما لقيت
مين يهوى الدموع يهوى السهر و النوح
غيري الابتليت بو وبمصايبو بليت
باريت الدروب قاصد حبيبا لي اسأل منو
عديت الفريق بيت بيت
ترى الفيهو الحنين يبكي و يبكيه بكاي
واحدين قالو يا ود ابنعوف جنيت
لو جنيت كتير من جن ماني براي
دي المقسومة لي و انا بقسمتي رضيت
الحاصل بقوللك باختصار يا سحاب
وصفو يطول علي لوكان قعدت حكيت
برغم الحصل رغم الصدود و الجور
احلف ليك يوم من حبو ما مليت
روح يا سحاب فلل عليك الليل
بلغ لي سلام فوق دارهم ان مريت
كلمو بالحصل لو تاني لي يعود
اوع تعاتبو شان يزعل يقوللك ابيت
بعد الحول تعال غاشيني جيب اخبارو
برجاك في محلي دا ان بقيت حييت
و ان بقى ما لقيتني احزن علي و نوح
و اعرف اني مت من شوقو و اتفكيت
و اعرف اني مت بالشوق و اتفكيت

مشكور يا نار

مشكور النار في قلبي