الفرح الحزين

غناء جعفر السقيد

كلمات الفاتح إبراهيم بشير


الفرح الحزين وين تمشي ليه كل الدروب مقفولة
كيفن زول يصل للجامعة يرجع تاني لي سنة أولى
ياما كتار حليلهم ضاعوا في زحمة دروب مجهولا
يزرعو في النوايا الطيبة كان ثمرة ضياع محصولا
الواحد يريد النجمة ما بيقبل يشوفو افولا
تلقى وسط ظروفو يشابي عشمان انو بكرة يطولا
مسكين كان يخادع نفسو بي سحب الخريف وهطولا
متعشم يقول المسرة يوم باكر يدقو طبولا
مسكين ياحليلو اتناسى نكبات الزمان وفصولا
واتناسى انو نحن غلابا احلامنا العراض مطبولا
من زمن القراية شراي ما بشوف غير سيوف مسلولا
كل ما اقول وصل لي مرسى القى احزاني شادى خيولا
قاسي الزي يقلى الداريو نقاي يعرف المصقولا
اول ما يقول ديك لي كل خلق الله بكرة يجولا
عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا
اختلطت على ايامي قدامي الهموم مسدولا
ممشكلتي العلي ومالبي ما هو مرض دوا وكبسولا
اه اه اه اه اه اه اه
اه من دنيتي واقدارا اه من جحيما وهولا
شينا الزي بلقى الدايرو منو الدمعة ما مقبولا
لكن يا رفاق بالدغري كلمات بي صراحة بقولا
انا كان جنيت او ودرت تبقى ظروفي هي المسئولة

المشاركة الأصلية كتبت بواسطة غربه وارتعاش

عايش فد سؤال جواي ليه لحظات فرحنا عجولا
وايام الحزن تندب زي السلحافية مهولا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
احترت انا وحارنى الدليل ورينى بس اعمل شنو؟؟؟

ارجوك لتبكى لوكان مستحيل

شكـ وبارك الله فيك ــرا لك منى اجمل تحية

مشكور ياحنين وماقصرت

كلاااااااااااااااااااام والله