اجمل بيت حب و غزل شايقي

يا جماااعة مع كل احترامي ياكين الغزل القوي ما مر عليه منكم الا القليل....

حاكم دي مثلاً :-
يتمنى الدهب لو لونو يشبه لونك
واشتهت الدرر لو هي تبقا سنونك
مجنون ليلى حالتو اقل من مجنونك
مادام ليلى كانت في المحاسن دونك


..واما سيد الغزل ابراهيم ابنعوف... بنجيهو بي مزاااااااااااااااااااج .ارجوناا

ماحبيت عينيك بالصدفه
وما لاقيتك بدون ميعاد
احلام القلب الراد

يا مى
اجمل مافى الموضوع
انو قدرتى طلعتى لينا بكمية من الجمال


اشكرك

لك التحايا مي ,,,,

انا في رايي هذا أجمل ماكتب

لو مابشوفك في المنام ,,, مانمت مدة ماحييت

ولو ماعشم ألقاك صباح ,,, من نومي أبداً ماصحيت

مهما يفرقنا الزمان ,,, ومهما ظروفي تقول أبيت

يقصر بعادك أو يطول ,,, لابد من يجمعنا بيت

اتحسستك حب بالفطره وعشتك فكره وشلتك زاد

لك التحايا مي ,,,,

مغرزة شباب نديكم قصيدة كامل لانو ابيانو كلها عسل


أنا بي لقاك مهتم بس كيف تلاقيني
يا عابرة عبر الدم شايلاك شرايني
لو عمري يتقدم وأضمن تلاقيني
أنا بعدو ما بندم لو مُتَّ في حيني
***
دنيا العذاب والهم ماشيها وحداني
لي غيري تتبسم وفي قلبي احزاني
رغم الصبر علقم في صبري متفاني
مع اني بتألم من جوة وجداني
***
الطيف يزيدني اشواق في النوم يناجيني
ويرحل بدون إشفاق ساعة يصحيني
يا طيفها كان مشتاق لي مين مخليني
طفل الغرام العاق ربيتو مابيني
***
يا عابرة دنيا الجن بي كل أعاصيرا
لو سعدي ما ممكن احسن لي من غيرا
أنا بي لقاك مؤمن لكني في حيره
يصعب لقاك كيفن والدنيا بي خيرا
***
نهر الاماني سراب يا عابرة ارويني
غيم السماء الصباب طول مجافيني
والليل يزيدني عذاب في جوفو يطويني
كل ما الدمع ينساب من جفني يسقيني
***
يا عابرة حتى الآن عينيكي آسراني
سحراً ملكني زمان سكنتو اشعاري
راجيك زمن عطشان ما صبت امطاري
ليه في سحاب دخان يا القمرة تنضاري
***
يا اماني لي بكرة والليلي والبارح
شايلك معاي ذكرى كان واعي كان سارح
بس يوم تبين سفرة يا عابرة بي الواضح
في نيتي من فترة داير اجيك نازح
***
آه لو قدرت اجيك رؤياك مراد عيني
أكسير حياتي وشيك من حزني يشفيني
من اشتياقي إليك يا عابرة دسيني
ما بين رموش عينيك شيليني ختيني
***
كل البسيطة حسان يوم ما ملن عيني
غير عابرة مافي إنسان يهدمني يبنيني
آآه يا جمال فتان قلب موازيني
لولا صفاء الايمان يفتني في ديني
***
أنا كنت شئ مجهول يا عابرة لولاكي
مع أني أول زول من بين ضحاياكي
فرشّتِي عمري الشاق اشعار من إملاكي
كانت على الاطلاق أجمل هداياكي
***
مصباحك المسحور جاهرني عاميني
سايق خطاي مبهور يسوقني يوديني
ما عارف المقدور بالفرقة راجيني
خارج نطاق النور حايم حواليني
***
عابرة الزمن ظلام في ظلمو متوالي
بقت الحقيقة احلام واحزاني شيء عادي
واصبح علي الزام كل ما صدح شادي
اهديك مدى الايام ألحاني وانشادي

بسالك بالفيك مسك قلبو وشهق
والبيبكي ودار تشقو العبره طق
وانت تنكر حبو لاباح لا نطق
قولي مخلوق حظي منك ولا من حظي اتخلق
منتظر حدثني لاتعجل
يبقي ماتلقاني تاني يبقي وراك اموت
ودا ان حصل البس سوادك وحدني

قدر الله ما مد السما في قلبي ريــدك مددو
زي ماتدور في قلبي سو ماانت اصلك سيدو

الريد ان بيهينك احسلك اقطع خيتو لا تخليك حنين تبكي وتقول ياريتوا زول كان جفاك اوعك تفتش بيتو اعصروا بي الفراق لامن تطلع زيتو

اقسم بالخلاك اماني للامال القلبي بريد انت الروح للروح الغيرك في يوم تفرح وتبقي سعيد

فكره جميلة والله وانا في رأي انو شعرنا كلو جميل . لكن انا اري اجمل ماقيل الابيات التالية :
الريد اذا ملك الفؤاد وجري في الشرايين والوريد
اصبح رسم واداك اسم ورسم ملامحك من جديد
رغم التباريح والالم خلاك تحس انك سعيد .
اعمل شنو اعمل شنو لو اصلها الدمعات تفيد
وزرفت دمع الدم عليك وبكيت فراقك وكم قسيت
لو في الكلام مالقيت وصف ذي ما اشتهيت
ولغة العيون ما عبرت عن ريدي ليك ذي ما هويت
ماتبكي يا نور العيون لو قمت قدامك بكيت
ودمعاتي فيك كلمات غرام وانا منها افضل ما لقيت.

بعد الضيق فرج لو باقي عمري ثواني الا من العلي خايف يقل ايماني

البنات الاتنين سوا
واحدة للمرضانين دواء
واحدة عجوة بلا نواة
شكري الجزيل

سبحان الوضع ياعابرة في صدر الكنار مزمارو

كم يشجيني لما يغني يجلي الماضي بي اسرارو

شايفك بي وضوح ياأماني والكل في السنين إنضارو

في موكب هوانا أبحرنا في زمـن القدر اختارو

يا سلام لوكان عرفتي انت ايه بالنسبة ليَّ
ما بقولك انتي روحي ابقى قصرت وشوية
بس تأكدي انو ريدك في الضلوع نيرانو حية
مستحيل في يوم بتخمد طالا ما الدم جاري فيَّ

تسلمي وشكرا على الموضوع الشيق الجميل

قدر الله ما ادى الجـــمال اداكــــى لامــــن قتى بس
حد حواء ما جابت سماح مايسوى من حسـنك قبـــس
عاجبنى وصفك يـــــــالفلو الامـــاتو سر حنبو التبــس
وقفن وراء وقـدام غفـــــر خايـــفات وداساتنـــــو دس
يتلفتــن ويشرفن كــان ذل فى القدلة صياد قــنـــص
طلعة وشيك ذى الصباح الدابو خته وشال نــفــس
شـع وبهـر كشف الظلام لا صر لا فى يـوم عبٍٍٍـتس
الحكمة بين صبحا شرق وليلا مـــــن الظلمــات دمــــــس


الرائع حاتم حسن الدابي

فيك بمزح رويحتي وأغني اجيب ألحان
اتمايل طرب وارقص دوام نشوان
وارسم بى دموع الفرحة انا الفنان
لوحات ما بتمر يوم بى خيال انسان
وأهدي الناس جميل ألحاني ما ندمان
ما دام انت سر لوجودي اعيش فرحان

سوي سوات قوم أذر وقود نارهم للخليل
ونارك بردا سلاما علي قلبا بيك عليل

اتمنيت في ذات اللحظة اكون مارد
اجيب عرشك عرش بلقيس
اجدد فيك اسطورة عصا موسي
ومالك الجن وامرقك من صدي التاريخ
جمال بابل من قلب الصدف درة

يا مى يا جميلة

لك كل التحايا

والله موضوعك بيثير جنس شجون ماليها آخر

بجيك باكر بمزاااااااااااااااااااااااااااج