حليل الفارقتهم

حليل الفارقتهم

انا في منامي اذكرتهم يا حليل حليل الفارتهم
المعز ومعاذ وامهم
خالد وابوي وابوي انا كيفنهم
انا أي طير بسألو منهم
انا قالي لي قاعدين في ضلهم
قاعدين يلعبو جنب عمهم
انا عارفوا ما بقصر منهم
قول لي يا عمي وضوهم هي
قمت لي منو عاد خالهم
بالله يا ادم طلهم وانت اقرب زول منهم
***
ود السيد عمي التلب المعز اوعا من الضرب
في العقاب خليك مستند والعقاب اوعك يتخرب
***
الجيلي خل بالك للصغير عمر الجا بيك مستجير
لا تغيبوا من البيت كتير يبقوا زي صابر والزبير
***
قسم السيد شوف البضربو للوليدات خليك ابو
اوعك الاولاد يتعبوا والبيعد ليهم قربوا
عايز اقوم انا اكتب جواب عنوانو عثمان عبد الوهاب
انا عارفو ياهو البجري العقاب يبقى في بدل الابو الغاب
***
عمي عبد الله تراك قريب والجواب مكتوب لي حبيب
يا هارون اصلا لا يغيب خالد من بالكم لا يغيب
***
قولي لي دفع السيد انا عارفوا عارف فرق الجنا
بالله اغشى ام زين طمنا اوعك الاولاد من عنا
ود ارباب يا عبد الرحمن اطرى لي خوتنا الزمان
انت لا تغيب من المكان شوف اليبكي وشوف الجعان
***
يا مدثر وفتحي وابزيد انا قولي لي جيران البريد
انت يا قيوم ماك بعيد وخلوا بالكم لابن الوليد
يا المبحر يا المقبل يا سائق العربية اتمهل
انت من السرعة قلل اوع قدام الحوش طفل
***
يا شباب حلتنا اجمعين يا الكبار ابقو لي سامعين
اه انا اه انا اه انا الكاتلني الحنين
للشمال الوطن البلد واهلي الطيبين.

ياسلااااااااااااااااااااام

الف الف شكر علي الابداع الجميل

تسلم ياراقي

ياسيد حسام خطأ
القصيدة أعلاه للشاعر المرحوم عبدالله كنة وهو من أبناء منطقة الكرد والمعز ومعاذ هم أبناءه وحالياً موجودين فى الخرطوم _بالمناسبة كل الاسماء التى ذكرت فى القصيدة هم من أقاربى بما فيهم الشاعر الخال عبدالله كنة رحمه الله

شكرا الاخ مالك علي التوضيح وربما يكون خطا غير مقصود قد وقعتة فية والتحية للشاعر كنة واهلنا بالكرد
وننبه ادارة المنتدي بمعالجة الامر اشكرك..

قولي لي دفع السيد انا عارفوا عارف فرق الجنا
بالله اغشى ام زين طمنا اوعك الاولاد من عنا

واللهى ابدااااااااااااااااااااع