خدرة وندية

نار اشواقى وشجونى مولعة جواى تلهب
واصارع لهفة قليبى واخلى يجالسك مأدب
اسمحى لى داير اغنى واردد للقافية واطرب
كتر فى وصفك غناى وبقيت بالشاعر ملقب
هويتك دون الخلايق بقيت ولهان بيكى معجب
كتمت اعجابى وةشعورى وقليل الفى غناى تسرب
دموع عينى يفضحنى عشان بسهمك مضرب
متابع نظرات عيونى وعيونو اليبراها يتعب
خواطرى أسيرة جمالك قصدت أشيل منو واشرب
خفت وشاية العوازل تخلى البيناتنا تخرب
ضهبت كتير فى دريبك وخايف من تانى اضهب
تتوه فى بحرك قواربى ومشاعرى الساويها مركب
ردتك وريدك ملكنى وسجين فى ريدك معذب
واشابى قدر ما صبرت ومع الايام خايفو ينضب
هيامى وراك طال زمانو وكبر فى رجاك راسى شيب
قعدت أعد الليالى وعدادن فى عمرى ينهب
وصفك يتعب خيالى وعلى انا كلمالو يصعب
لأنك درة زمانك ووجودك للدنيا مكسب
نور الكون من صفاكى شفتك فيهو أحلى كوكب
يضوى الليل فيهو تمرح صغار الحلة البتلعب
داير اقول فيك مقاطع قوافى الشعر المرتب
وأفسر سر الخواطر تكون للناس ساس ومذهب
يرددا كل اليغنى ويسكر خلق الله تطرب
تداعب صورتك خيالو تلازمو ان قام واللا قنب
هديتك دار المعانى وخاطرى انا كان فيهو اذنب
قصدو تروح الحواجز ومسافة بيناتنا تقرب

نور الكون من صفاكى شفتك فيهو أحلى كوكب
يضوى الليل فيهو تمرح صغار الحلة البتلعب