ياسر علي بشير_ياممكون

يا ممكون جواك وصابر.. وصبرك في جواك ممكون..
يا تايه في الزمن العابر.. وعابر زمن الهم محزون..
يا موجود في ناسك ونادر.. ورايح في زاتك مرهون..
يومك بين البارح وباكر.. مشوار بالآهات مشحون..
****
لما تلملم زاتك وترحل زاتك..
من الزول الأصبح المافي..
وتسجن روحك عفو الخاطر..
بين الدهشة وحزن خرافي..
يبقى عزاك يا زول في إنك.. لما تطلع نفسك منك.. يطلع منك ويرجع صافي..
وفي ترحالك لما تسافر.. تلقى مداين الزيف السافر..
مينا ومرسى..
خلى البحر الفينا مسافر وختت همك فينا مرافي..
لو يتمدد ضل الغيمة لا تتحير..
برضك لملم زاتك وأرحل وما تتحير..
ادي خطاك اصرار وعزيمة..
وخوض النار مع إنك حافي..
لو ضيعت السكة ورحت لا تتحسر..
برضو ضياعك خير وعوافي..
اصلو السكة الأولى حزينة..
لو كان جيت كان يادوب ضيعت الباقي..
وعشت حياتك زي الساقي..
وبلل الريق لي حلقو مجافي..
انت الخير جواك يا رايع..
سافر عكس الزمن الضايع..
وشد الحيل جواك يا رايع..
لملم زاتك تاني وسافر..
مهما يحصل..
بكرة بنوصل دنيا جديدة..
وتلقى الخير في دربك وافي..
!!

غربه وارتعاش تحياتي


هناك تعديل قصيدة ياممكون شاعرها د.ياسر حسن وليس ياسر علي بشير

يا ممكون جواك وصابر.. وصبرك في جواك ممكون..
يا تايه في الزمن العابر.. وعابر زمن الهم محزون..

يبقى عزاك يا زول في إنك.. لما تطلع نفسك منك.. يطلع منك ويرجع صافي..

جزاك الله خير الجــــــــــزاء