ياسر علي بشير_عقوق الحن

أفكر في لقاك كيفن بعد ما اعود على كيفي
بعد ما اعود علي كيفي عيونك ما علي كيفن
***
ما سنين ودنين استنيت جروف البينا لو يندن
علي كيفك ضفاف قيفك من الشمات ابن يبطن
بنات الشوق يلاوزن فوق من الامواج وما بيردن
***
فيا بحر الرجا المقطوع اجر ياريح وما تهدن
واجل يا مشرعي الممنوع مراكب ريدي ما يعدن
اذا جية الحبيبة دموع خطاي تالاها لا تودن
***
واقول يا قلبي خلو الزول اذا ما كان سحابة تضن
علي العشمانلو في قندول يحاحي الطير رياحو تزن
وانا الفوق التراب مكتول فرقي من السحابة بئن
***
موهطة كنتي يا الجواي كما بين الغناوي لحن
عقب شريت عليكي رجاي بياض نية وطويتك حن
فليش زال افتقادي وجاي وطوّحك الزمان لي شن
***
بخافلك من حقيق مظلوم بخافلك يا عقوق الحن
بخافلك من حساب اليوم وقت كل النفوس يصفن
سؤال منو القيامة تقوم بقيت ناكر جميل كيفن

!!

موهطة كنتي يا الجواي كما بين الغناوي لحن
عقب شريت عليكي رجاي بياض نية وطويتك حن
فليش زال افتقادي وجاي وطوّحك الزمان لي شن

تسلم كتييييييييييييييييييير

والله كلام جمييل بس دايرين الجديد يارايع

بقيت ناكر جميل كيفن

جزاك الله خير الجــــــــــزاء