اصـــــبر

البت تقول أصبر الأم تقول أصبر وابوها قال نصبر
جاها الغريب وعقد ما قالوا ليهو اصبر
علمتها وربيت إن شاءالله حسنه وأجر
ده زرعك الراويهو قوم لى حصادوا وصُر
ده ضلك الحارى يصبح رهين ويشُر
ورغم إنك آ المسكين ما خلو ليك صبر
وأنا ذاتى شن لى غير ليك أقول أصبر
إنفرهدت يا داب تعجب نضاره يسُر
دابها هلاّ هلال قبل إكتمالها بدر
الكسوة والمصروف واجب عليك نزُر
وتلقى ما تلقى إن شاء الله تمشى تجر
الرجعة آخر الليل والقومة بدري فجُر
والريد مروة جان والعاشق آ بيفتُر
ما خافوا فيك الله وما قدروا أى عذُر
وكل البقولوا مُجاب ست الحسان تأمر
خيلك تجقلب حد وما تلقى أى شكر
استاذ خصوصى صباح وواحد يقري عصر
وتعبك على جيدها يلصف سلاسل ودر
بجي من دبي مختوم أصلى ومجمر وحُر
نكران جميل وجحود لو كنتا بتذكر
تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر
من العليك والبيك رب العباد يستر
قدرك تقاسى الويل بيك الحبيب يغدر
وتعد نجوم الليل والدنيا لسه عصر
وتضيع أمانى رحاب حصاد سنين وعمر

shkrrn jazlan

قدرك تقاسى الويل بيك الحبيب يغدر
وتعد نجوم الليل والدنيا لسه عصر

كان ما الصبر ده انا كت زمان جنيت ونضمى قلب كتر @

الصبر عادة الأنبياء والمتقين، وحلية أولياء الله المخلصين، وهومن أهم ما نحتاج إليه نحن في هذا العصر الذي كثرت فيه المصائب وتعددت، وقلّ معها صبر الناس على ما أصابهم به الله تعالى من المصائب، والصبر ضياء، بالصبر يظهر الفرق بين ذوي العزائم والهمم وبين ذوي الجبن والضعف والخور،والصبر ليس حالة جبن أويأس أوذل بل الصبر حبس النفس عن الوقوع في سخط الله تعالى وتحمل الأمور بحزم وتدبر, والصابرون يوفون أجورهم بغير حساب: أُوْلَـئِكَ يُجْزَوْنَ ٱلْغُرْفَةَ بِمَا صَبَرُواْ وَيُلَقَّوْنَ فِيهَا تَحِيَّةً وَسَلَـٰماً [الفرقان:75]، وقال تعالى عن أهل الجنة: سَلَـٰمٌ عَلَيْكُم بِمَا صَبَرْتُمْ فَنِعْمَ عُقْبَىٰ ٱلدَّارِ [الرعد:24]، هذا هو الصبر، المحك الرئيسي، لصدق العبد في صبره، واحتسابه مصيبته عند الله.

تمرنا لما يشيل وتكون صبايتو خُدر
يمسك يكنكش زين لا يقسى لا ينكر
ويقع براهو يحت أول ما يبقى تمر

والله الصبر زااااااااااااتو بقى مابيصبر

بسم الله الرحمن الرحيم
انها رائعة من روائع هذا الشاعر الفذ ولك الشكر على تنزيلها بهذا المنتدى الرائع بروعة اعضائه

ابدااااااااااااااااع والله