خالد عبد الله بخيت_جسيمي الناحل

يا ضارب جسيمي الناحل هديت بي قساوتك حيلو
شلتا جنازتي وانت القاتل ظلمك ما في زيو مثيلو
الصرح المشيد عالى هديتو وبقيت تبكيلو
ودرتا الحنين الغالي كانوا اشجارو راميه ضليو
اظلم لا يهمك حالي لو كان عمري عندك شيلو
شديت في المسافه رحالى الخليتو الله كفيلو
الشر يا قليبي الباكي ابعد من بعيد غنيلو
قبلي يا مشاعري وراكى درب الريد حاربي دليلو
دفقي يا عيوني تراكي فجرك جاكي سايق ليلو
وارحلي يا سنيني براكي والحقي في عميري رحيلو
الصبر الطويل مديتو واتقطع معاك حبيلو
النغم الحزين غنيتو وانتى معاي صفقتيلو
الهم من وراك لاويتو والأسى ياما جاكى زميلو
لو ينفع بكايا بكيتو بينك ما رجاني عديلو
قلبك لي دائما قاسي رغم العزه كنتا زليلو
فقدني الهناء واحساسي ما قررتا تاني اجيلو
فتر في دواخلي حماسي لو سمع الزمن بشكيلو
درتا كتما حر انفاسي وين بالله قلبي تطيلو
شوقك لليالي بسيبو بتحمل اذاهو وويلو
طال ما قليبي خانو حبيبو فتش من وراهو بديلو
والريد الحرقني لهيبو لو سيف عاد كفاني صليبو
الحق كان يقيني دريبو لا يرجعلى لا بمشلو
في الأخر بدور اوصيك فرعك لا يغرك ميلو
ما تتغشي في عينيك محياك كل يوم عن نيلو
انسجي من ورود خديكى للزمن العبوس اكليلو
والباقي المفضل فيك لو شداك انتى ارخيلو.

!!

ابداع ابداع وشکرا لیک وماقصرت اوفیت المکال بالمره

كل الأماني الطيبة لك أخي غربة وإرتعاش وأنت توثق لهذا الشاعر الجميل خالد بخيت ولا أريد أن أنقصك جهدك المقدر بس عندي حبة تعديل في آخر كوبليه بالتحديد البيت البقول ماتتغشي في عينيك محياك كل يوم (إنت كتبت ،،عن نيلو،،)لكن في الأصل هي محياك كل يوم عاينيلو .وأنا متأكد هي السرعة في الكتابة وجات سهوا ماعن عدم دراية،،بس أخي عشان القارئ الكريم أنا وإنت نصلح بعض ولا شنو وآسف جدا جدا إذا أزعجتك ياأخوي الفاضل وأخيرا للتوثيق أيضا هذا النص تغني به الفنان الشاب الجميل معتز عبدالرازق __مع تحياتي

انسجي من ورود خديكى للزمن العبوس اكليلو
والباقي المفضل فيك لو شداك انتى ارخيلو

تشكر اخونا غربه

اظلم لا يهمك حالي لو كان عمري عندك شيلو
شديت في المسافه رحالى الخليتو الله كفيلو