خالد عبد الله بخيت_يادنيا

يادنيا بي حظي الزريع بتحمل القدر المريع
خايف من الاحزان اضيع ما القي بي قربي الوجيع
صوت القوافي البيك تنوح والسالفه في لحظة وضـوع
فارقتي والايدين تلوح رسبتي في عيني الدمـوع
وريني وين بعـدك اروح بينا اقطع عشم الرجوع
في قلبي ما بتبري الجروح من فتي فارقتي الهجـيع
***
ليه دنيتــــك كانت سـراب ممــدودا بي مد العذاب
احزني لازمني اكتئاب وانا بي وراكي ـبابي شاب
سدي المداخل وكل باب طـليني من دنــيا الغياب
بلقاكي في نفـس الرباب واشعاري ليك عالم وسيع
ساهرتا طول الليل معاك كم مره عـديت النجـــوم
ما طافت الاحلام رؤاك لو اضمن احلمـــبك بــنوم
ياقلبي يا ضايع كفاك شـن جبــتا غير حسرا وهموم
ابكيها لو ينفع بكاك الدمعه ما بتجــــــدي الصــريع
***
فارقـتي في عـــــز الغرام من قبل ما تثبت خطاي
افردتا ليك درر الكلام خلـــدتا وصفـــك في غناي
ماانتي ما بيـــــن المسام في كل احســاسي ومعاي
طفل الغرام البينــــا نام اتلافتو الاقـــــدار رضيع
***
سبتيني لحــزني العميق للحسره لخـــاطري الجريح
ياريتني لو اقدر افيق لو متــــــــا يمـــكن اســتريح
يا دنيا طال بي الطريق وانا بين مسافــاتك كـــسيح
كيفن وصولي بلا رفيق والخطـوه كيف بعدك تطـيع
***
زود شجــوني علي العـلي طيف المهاجر مني فات
يادنيا ما بايـــــدي شئ غير الله يلهـــمني الثبــات
والباقي في جواي حي ياحليــلو ودع سيــــدو مات
ببكيهو عمــري الباقي لي فوق الدموع لو بستطيــع

!!

ابداع وماقصرت مشكور جدا

وريني وين بعـدك اروح بينا اقطع عشم الرجوع
في قلبي ما بتبري الجروح من فتي فارقتي الهجـيع

الف شكر

ليه دنيتــــك كانت سـراب ممــدودا بي مد العذاب
احزني لازمني اكتئاب وانا بي وراكي ـبابي شاب