نار الفتنة

من كتاب مناظرات من بلاد الطنبور

قلنا نار الفتنة انطفت تاني جيت دايرة تستعر
وجيت كمان ماسكلك درب قاسي مابتجاري و وعر
الكلام شتتو شتيت بان حقد مكتوم منستر
والحروف لويته لوي خلت الكلامات تتسكر
جات ركيكة وفاقدة مضمون يسمعه اللي الزوق يفتقر
لانغم لاتطرب حواس غير شتيمة والفاظاً قزر
كان تخلي لسانك عفيف شان تخاطب الزوق والفكر
وتنتقي الكلمات الفصاح حتي داب ترتاد الشعر
انت قصدك دايرني ارد شان يكون لك سيرة وذكر
حتي لو بي الخير ولا شر المهم الناس تنزكر
كان دا ممكن لو جيت عديل فوق خطاوي الزول الحزر
كنت اقولك شعراً ظريف مابقوم للرد منجبر
مانظمت الشعر افتخار وما قصدت انا يوم افتخر
شعري ينبع فيضاً يسيل يطفي هم الراس الكتر
ماهو نوع الشعر الرخيص لا يعجب الناس لا سعر
في البيسوي والمابيسوي يتقال مامهم ربحان او خسر
المهم ترقص الحروف بالغصب ومرات تتنجر
يبقي بخت الناس الطرش واليقيف مجنون او سكر
الا عاد مادام جيت براك و دون تحس ذليت وعتر
استعد لاتجر لاوراك او تفكر يوم تعتزر
شان منابع الغنا مننا فوق خلايق الله تنهمر
انت في رحراحهن وقف لاكتوفك وصدرك وكر
لينا في الاشعار ساس عميق مافي يوم ينقاس بالمتر
وفي بحرنا ان داير تعوم تلحق القبالك ودر
قلت ود الدابي معروف الامين العارف الخضر؟
قصدك انو ابوي مجهول وسيرتو باقي سر
يكفي انو ابوي معروف بي شئ غير الغنا والشعر
يعني نحن حوينا اوصاف الشعر بينهم يتزكر
يعرفوه اليعرفوا الناس ويفرزو الفضة من التبر
إلا ما اتأنيت ما سأل إندفعت ابيت تنتظر
وليهو في الاشعار باع طويل وشعرو في البلدان منتشر
بي غناهو وشعرو الرصين سارت الركبان لامصر
اكتب الاشعار للعرف شعري يرفع قيمة الحبر

صحبة الصياد للكلب يقبلة الصياد منجبر
ماهو خوة والفاً شديد خلي عاد البينهم عِمر
مابتفيد معرفتك لبيب بل دا باب معرفتاً مُـضر
واليقول يوم يعرفك يبقي قل مقامو وصِغر
كل زول بالفيهو معروف مابيخلطو الزم بالشِكر
وفي السباع العز بالطباع الكديس والليث والنمر
قلت بي تأهيلي افتخر وانت في تعليمي احتر
شان قريت سيرتي انا في الكتاب انصدمت وراسك خِمر
العلم ماقريتو افتخار بل ذخيرة وبيهو استجر
الكلام يااحمد كتير يتري كل ما اقول اختصر
القي في جواي فاض وسال وفي اللسلان القول مستمر
كل ما اقول اغفرلك خطاك رغم انو هو مابنغفر
والصفا البيناتنا كان ود من اساسو اتهز وعكر
وشان لساني عفيف ليك شفع ذي هو بين العِشا والشِفع
ورغم انو يكلف كتير لاعندنا عادة وسِبر

شكرا يا شاطرابي بس دايرين المناظرات

كل من يمس علي خضر فانه مس تنقسي ومن مس تنقسي قد مس سكان تنقسي
علي بشري
ود تنقسي

الف شكر شاطرابي

' سلك جد

الف شكـــــــــــر