الحلم حقيقه

الحلم الحقيقة

ابراهيم ابنعوف

بحلم بيك ما فت الخاطر ياريت يبقى الحلم حقيقة
ياريت الايــام تجمعنا وفيها نعـوض كل دقيــقة
***
يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقـة
انا ماعـدت الزول البيفرز مابين النـار والتاتيقــة
دمعة علي لوحة أحزانة رسمت في الاقدار بي ضيقة
***
لاتلوميني ان مارسلت حتى ان كان سطرين في وريقة
لومي متاهت الغـربة الفيها منها ما بتنشلة طريـقة
تنشد حـالك وتشـرح حال الزول المالاقيلو وتيقة
شوقك وشوق الوطن الغالي مضروبين في صدرو بديقة
***
وينك منو وينك ليهو وين أمالو ووين تحقيقة
دايمن يقعد في اوهامو يبني وتتهدم السريقة
فكرو يساسق بينك وبينو لا رتاح لا مل الساسيقة
كم ابواب في وجهو انسدت زي ما الرجعة انسد طريقة
***
وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة
***
راجعليك يابت عندية ودخلت قلبي في ساعت ضيقة
حلفت ماتمرق بي هيني اتعزفت جواي مزيكة
شالو النمة معاهة تلاتي متهكرين في ضل كليقة
سكنو جوف الليل الكافر شان الصبح تشق قارسيقة
***
راجعليك يابت ريفية وتخفي سامحتة في التاويقة
لا عارض يمنع مسـاري للأيام خطواتي تعيقــة
راجعليك رجوع النسمة الجات في الحقل صفيقة صفيقة
كان الناس عني دربي اتخلو انت بتمشي معاي رفيقة

مشكووووووووووووووووووووووووووووووووور

ماك متخيلة ينضب شعري.......... مشكور

وينك لما شمشنا تغرب رغم الموجة يصلنا بريقة
لما الموجة تعانق الضفة في تحنان تغسلة رشيقة
وافضل اتابع السرب العايم في نظراتك والحديقة
فجأة تشع من ثغرك بسمة وتأسر قلبي وروحي تشيقة

يا راجياني عشان أهديكي غنوة ريد في صورة أنيقة
ماك متخيلة ينظم شعري يغرق فكري في اه عميقـة
انا ماعـدت الزول البيفرز مابين النـار والتاتيقــة
دمعة علي لوحة أحزانة رسمت في الاقدار بي ضيقة

تحية ليك ود ابنعوف ربنا يديك الصحة والعافية