صلب الغلابه

جاي من صلب الغلابه جيت لقيت الدنيا دابـه
غاب ضمير خلق الله فيها واصبحت اركانا غابه
فيها ست الريد تغني انا لاني منـك لاك منـي
وان بقيت خيبتا ظني بي ما ترضـي بصحابـه
انا امي لما الليد تخونه بتمرق الهوي من قرونا
وتكتم البان في عيونه وتكتي للجنيـات حجابـه
بتها الجيعان وجاي شاكي من حـزن القـراي
وشربت الكان في الدواي وقنبت أكلـت كتابـه
وكان ابوى ضو القبيله وبدري مدخور للطويله
وللأسف ما عندو حيله يا حليل حوطو وشبابـه
اما اقرب ناس الينا ما دي اصبعها في وشينـا
جاهلى بي سنه نبينا الوصي بي صلة القرابـه
بنمسي في الأحزان نبيت طالما الحي فينا ميت
واللبن رضعو العتيد والقلـب عـاول جرابـه.

أفتخر بان اكون شايقي فأطالع عنان السماء بدرا من ربوع الشمال الحبيب لكم مني أخوتي أحلي تحية عطرة سامقة كنخيل بلادنا صافية كسماء بلادنا طيبة كأهل بلادنا

ياسلام علي احبابنا الشايقية واهل الشمال خصوصا والسودان عموما

انسان الشمال(طبيعة قاسية وانسان مسامح)
مشكــــــــــــــــــــــــــور على المجهود

يديك العافيه