يا ورده

فوّحي زي زمان .. يا وردة
وقولي الجاي نسمة خير ..
لو ما شان سواد عينيكي .. فوحي برضو شان الغير
***
عارفك يا بهية وزاهي ماك قدرة رياح امشير
او رقة نضارك لحظة يتحمل نداها هجير
فرهدي خلي كل الدنيا ترقص وتنسجم بِشير
والزمن الكريم عينيهو تتكحل رؤاك إكسير
***
ميزك الإله سواكي لوحة فريدة خاتية نظير
وأي جميل يمرو جمالك منك بي بساطة يغير
***
مالك ومال شقاوة الدنيا .. لو هي الدنيا ليها ضمير
وإنتي المالي كل اركانا .. منك يا شذَية عبير
***
أنسي الماضي بي أحزانو ما الحياة سنتها التغيير
وأملي باكر الغدارة تفرشلك دريبا حرير
***
ييدا انا فوق حدود آلامي شايف نفسي بيكي أمير
وبالفرح الغلبني ادسو .. بس فاضللي تاني أطير
***
المر والعذاب الضقتو .. قبلك في حياتي كتير
وكلو هو ظني كان كفارة تبقالك وقاية تجير
***
قبلان لو حياتي فداكي لاقيت فيها في أسوا مصير
ومهما اضحي شان عينيكي شاعر برضي بالتقصير

قبلان لو حياتي فداكي لاقيت فيها في أسوا مصير
ومهما اضحي شان عينيكي شاعر برضي بالتقصير

ومهما اضحي شان عينيكي شاعر برضي بالتقصير

غربة وارتعاش تحياتي

إنتي المالي كـــــــــــــل اركانها منك ياشذيه عبيـــــــــــــر