فى غرامك لي شريك... كلمات جاد الله عثمان--- الرجاء بعمل قسم خاص بالشاعر

فى غرامك لي شريك
كلمات : الراحل جاد الله عثمان
غناء: عز الدين شكري

ما كت قايل في غرامك لي شريك لكن عرفت وتاني ما برجع اليك
والله كل ما اذكرك اذكر انو معاي شريك
زي ما قليبي انا اشتهاك تلقيهو ايضا مشتهيك
قول لي ذنبي وذنبو ايه ما الناس جميع مفتونة بيك
طماعة يا ست الجمال كيفن تطيري مع جريك
****
ما كل غرام بيظل غرام وما كل بريق سن ابتسام
وماكل خطوة الى الامام احيان بيتعثر مشيل
****
قول لي كيف قلبك سمع يخدع قليب ليك انشرح
ودرتي زول كايس الفرح عيشتي في دنيا الترح
مستني كان تبقيلو غيمة تظلّي من حرا لفح
لكن بقيتيلو الهجير في وادي منو الغيم نزح
****
لو قيس سمع ما كان بجن كان يرثي في حالي يحن
كان يبكي زين دمعاتو تهطل فوق عيونو تغسلن
ما بيرضى انو الغرام يصبح سلع نتبادلن
ورغم الحصل،،،
قلبي الانين لا راضي في نفسو الخداع لا راضي لي غيرو الانين
واحساسو يا ست الجمال ما بيرضى غيرو يعيش حزين
****
وانا اصلي من ريدك قنعت آخر وصية بقولا ليك
ابقي عشرة علي البريدك لا تخيبي ظنو فيك
ابقي زي ليلى وبثينة الغرور لا يعتريك
قالو عاقب الريد عداوة انا من عداوتو بخاف عليك


الرجاء من الادارة بعمل قسم خاص للشاعر جاد الله عثمان

والله يااكرم القصيدة رائعة
ومشكووووووووور كتير عليها
وفى انتظار بقية اعمال الراحل جاد الله عثمان
ودمت بود

المشاركة الأصلية كتبت بواسطة خستكة

والله يااكرم القصيدة رائعة
ومشكووووووووور كتير عليها
وفى انتظار بقية اعمال الراحل جاد الله عثمان
ودمت بود

لك التحية الاخ خستكة
واشكرك على المرور
واوعدك بتوثيق اعمال الراحل جاد الله
ودمت رائعا بروعتك