لو بتعلم

أصلوا شوقك لو بتعلم من زمان مـا زاد ملكنـا
أما ريدك ماشي زايـد والبعـاد باقيلنـا محنـة
فوق سعير نتملى دايماً نبكي كل ما جاتنا نسمـة
نذكر أيامك معانـا كنتـي فـي عينينـا نعمـة
خلو زولك يبقى تائه تبقى كـل دنياهـو ظلمـة
والعذاب آخر مصيروا لو يطير مكتوبلوا قسمـة
يا حليل أيام زمانـاً فـي ربيـع أيامـوا عشنـا
كنا في قمراتنا نسهر لا بنكـل لا يـوم نعسنـا
كانـت أيامـك معانـا خيـرة أيامنـا وفرحنـا
الحنين ما ليهو زايـد والدمـع والنـوم غلبنـا
كم نقول ذكراك نسيبا ونترك الماضـي الهجرنـا
في القمر والليل يجينا نلقـى للأشـواق رجعنـا
لي دياركم كم نساسق حتـى بالساسـاق فترنـا
لو نمد جملة مشينا كنـا فـي الظهـران مرقنـا
في طريقك كم نعاني قالوا بعض الناس مرضنـا
ونحن في الأشواق نعالج لا علاج لا نوح نفعنـا
بالعذاب واشواقنا نحن نبكي فوق طاقاتنـا زدنـا
وإنت كل الفات نسيتوا واتكتم في جوفنـا نحـن
بي لقاك ما زلنا نحلم ما انقطع في الشوق عشمنا
قلنا بس دايرين نشوفك بالغلط مـا جـاد زمنـا
في غيابك نحن نكتب بالدمـوع أبيـات شعرنـا
علو يحكي البينا حاصل بالألم والشـوق فقدنـا

انشاء الله يطمر بعد دا

جميل جدا

والله ماطلعت شمس ولاغربت الا وذكرك متروك بانفاسي

كم نقول ذكراك نسيبا ونترك الماضـي الهجرنـا
في القمر والليل يجينا نلقـى للأشـواق رجعنـا

شكرا ليك ابراهيم

صبــاح العـافيه


بي لقاك ما زلنا نحلم
ما انقطع في الشوق عشمنا
قلنا بس دايرين نشوفك
بالغلط مـا جــــــــــــــاد زمنـا

تسلم علي الروعـــــه..