نورك

نورك كان مشع غنواتي ليـه الليلـة غـاب
دايماً فيك محسِّن ظنـي ليـه الليلـة خـاب
ودرت السنين راجيكـي هايـم فـي العـذاب
عايش في سراب خليتني اجري وراء السراب
ساير في مسيري وراكي حاسب ليك حسـاب
لكن جات مصايب الدنيا ختـت فـي الركـاب
ذكرني الخيـال الماضـي لامـن جـرَّ جـاب
خيوط من ذكرى كانت حلوة لي أيـام عـذاب
مساهر الليل دمع ينجارى مـن عينـي كـاب
وأصبح والنعاس في جفني شوفي رهاب رهاب
بهدي ليك مزيج من شعري وألحـان الربـاب
يديك فكرة عن أحوالـي و أيامـي الصعـاب
عايش في لهيب خليتني راجيك فـي عتـاب
بين ناسـاً قلوبـا معانـا كالصـم الصـلاب
مـن سافـرت لا رسلـت لا رديـت جـواب
وبرضي معاك بواصل سيري في أيام عجـاب
سافـرت وديارنـا ابيتـا فضلـت الـذهـاب
لي داراً تزورا أجدادنا والمـن ذنبـوا تـاب
زولك يبكي كاتم اشواقـوا بالهـم قلبـوا ذاب
ولهان يبكي من غيرك محال ما أظنـو طـاب

ماضينا ما امنيات صبا رايحي بي هبت هبوب
ولاهو ذكرة ريد حذينه نطراها ساعت الغروب
نحنا موعودين بالغرام من قمنا سالكين دروب
والمحنه ماشافها غيرنا قبل تنوح جوانا القلوب
ليه بنبكي علي غدرنا ياخالده المقدر مكتوب

شكرا ليك كتير يا ابراهيم