بتذكرك

بتذكرك عند الأصيل والطير يغرد في الغصون
يحتج على شفق المغيب والنيل بينساب في سكون
والنسمة تعبث بالنخيل بتذكرك في كل شيء بتذكرك
بتذكرك والكون بيعكس في المياه
لون الغروب إبداع عجيب أجمل صور خلقا الإله
صور المراكب راسية في الشاطي القريب
لوحات جمال منتشرة في كل اتجاه
بتذكرك والليل بيطمس كل لون عند الغروب
والناس بتحسس خطاها على الدروب
غرقانة في النور الضئيل بتذكرك في كل شيء بتذكرك
بتذكرك في ليل مثير فيهو القمر بلغ الكمال
بتذكرك في هجعة التلت الأخير والنور يضاحك في التلال
والساري أضناهو المسير والنوم يداعب في جفونو مع العليل
بتذكرك في كل شيء بتذكرك ساعة السحر
والنور بيولد من جديد والنسمة تلثم في الزهر
والنور بيشرق بالأمل ممتد على الأفق البعيد
والكون بينهض في كسل من رقدة الليل الطويل
بتذكرك في كل شيء بتذكرك
بتذكرك في يوم خريف لمعان بروق ورزاز خفيف
والجو بينذر بالمطر بتذكرك في زوبعة رعدو المخيف
والريح تزمجر في الشجر والقرية تسبح في الغيوم
في يوم نهارو كأنو ليل
بتذكرك وألقاكي في جيش من سحايب انفتح
مشطورة بي سيف الشعاع مرسوم عليهن قوس قزح
بتذكرك والطيب غمر كل البقاع والطير يغرد بي فرح
لوحات طبيعة بدون يراع أوصافا فوق المستحيل
بتذكرك في حر شديد زي شوقي ليك ضلل عيونو من الصواب
كم شفت في الأفق البعيد غابات شجر غرقانة في بحر الرهاب
والجو بيبعث بالضجر والروح بتحلم بالشراب
شادد رحالي ورا السراب أصبحت زي ابن السبيل
بتذكرك في ذكرة الماضي السحيق
بتذكرك وأنا جد حزين
بتذكرك في هوة النوم العميق
والروح تعانق في الخيال في لحظة ترجع كم سنين
بتذكرك والموت يحول دون العشيق
كيفن أموت أنا مرتين
بتذكرك ساعة وداع والناس تجهز للرحيل
بتذكرك واتذكرك في كل شيء بتذكرك

الله علي الروووووووووعه

رضيت بقتلي في هواها لاني
ارى حبها حتما وطاعتها فرضا
اذا ذكرت خالده اهيم بذكرها
وكانت منى نفسي وكنت لها ارضا
وان رمت صبرا او سلوا بغيرها
رايت لكل الناس من بعدها بغضا

دي الريده ذلت قبيله
ورغم العزه ماقادرين نتوب
مهما تستر ليالينا ويلنا
ماها ساتري دمع الغروب

شكرا ليك يا ابراهيم