ماني شمتان

ماني شمتان فيكي لا قاصد التشفي
لا حسابي معاكي دة الداير اصفي
...
ماني قاصد حاجة غير دايرك تعرفي
ما بعود من تاني لو يبقي لهاك حرفي
...
وما بصدق تاني قولك كان تحلفي
ولو هواكي حياتي منها ييدا طرفي
...
ما مهم يا غادرة تخلفي ولا توفي
او تكوسي وصالي ولا تصدي تجفي
...
الزمان القاسي شال من جوة ضعفي
وقسى قلبي عليكي خلاه يقيف في صفي
...
لو تصدقي تاني ما حتلاقي عطفي
ولا بتهزي احساسي لا بتبكي طرفي
...
عندي هسة السمحة توزن زيك الف
ولو وهبتها روحي شايفا ما بتكفي
...
في الصحاري وراكي كت يا غادرة منفي
والسحاب للفرحة ساند فوقا كتفي
...
الوداع شان انتي صنفك ماهو صنفي
وماني عشمان تاني بحرك يسقي جرفي
...
ولا تهبي رمادو .. جمرك جوة مطفي
وتاني مروادك حرام فوقي آب تخلفي
...
وماني شمتان فيكي .. لا قاصد التشفي

من اروع ماتغنى به الفنان محمد النصري واجمل ماكتب محمد سفله .وقمه في الروعه

يا ريت رابط الغنيه لو امكن ولك الشكر يا عزيز،،،،،،،،،

من اجمل الروائع لك الشكر

انا بحس انو النصري ود سفله بواسو فيني فهذه روعه انسان الشمال

يديك العافيه

عندي هسة السمحة توزن زيك الف
ولو وهبتها روحي شايفا ما بتكفي