سواحل الضوء

بعد سفراً طويل في النـّوْ
بدن في الليل سواحل الضّوْ
دمـوع الفرحـة كبن شوْ
مطر من كم سنين في الجو
موهدبة رايحى ضهبانى
تفتش لى أرض لى نـاس
مأصلّة صافية زى الماس
تقـدّر دفقـة الاحسـاس
على صدر الحياة الحانى
وزمن ما فيهو أي شقـا
مـلان حنيـة كلو لقـا
مصفّى وصافى منو سقا
إلَه الكون رحيـق عشقا
زمن إنسانى إنسانى
وبلاد الدهشة لى كل زول
تضم وعد الهنـا المأمول
أحـدّدا بالعُرض والطـول
وأسمعا أعذب الحانى
جمـالا بيسبى يا خـلان
صفاهـا بيـأسر الوجـدان
يخلى الزول طروب عشقان
جمـال والله ربـانى

ورست في الضفة مركبنا
أنا وإحساسى والأشعـار
صحيح الدهـر غرّبنـا
وزمان الفُرقة ياما جـار
لكن مستحيل نرجع نعود للغربة من تانى
حضور لى آخر الأيـام
شعور ما فيهو أىّ إبهام
صباح دافـر ولى قـدّام
وليل الغربة يمشى يكوس
أرض من غيرنا محْلانى
دخلت بلادا باحساسى
وعبيرا تخلل أنفـاسى
أتاريك انت يـاك ناسى
وقبيلتى ومرسى وجدانى
معـاك يا ملهمة شعرى
معاك بى مهجتى وفكرى
معـاك لحدى يوم شكرى
وبعرف كيف أقول لى ليل
زمـان الفرقـة أنسانى

مشكوووووووووووووووووور
ابراهيم الصغير

الف شكر وتحية لي الاستاذ محمد المهدي حامد

الف الف شكر ابراهيم

صفاهـا بيـأسر الوجـدان
يخلى الزول طروب عشقان
جمـال والله ربـانى

جزاك الله خير الجــــــــــزاء