::  إظغط هنا  ::

التميز خلال 24 ساعة
 العضو الأكثر نشاطاً هذا اليوم   الموضوع النشط هذا اليوم   المشرف المميزلهذا اليوم 
عبدو الجراري
الناسية
بقلم : سرالختم تا ج السر
قريبا
   
العودة   منتديات الطمبور > الأقسام الأدبية > منتدى شعراء منحنى النيل > محمد أحمد الحبيب
   
إضافة رد
   
 
أدوات الموضوع انواع عرض الموضوع
   
#1  
قديم 21-02-2012, 10:30 AM
ذكريات
السكوت صوت الوجع
.::|::. عضو فضي .::|::.
ذكريات غير متواجد حالياً
Sudan     Female
لوني المفضل Darkmagenta
 رقم العضوية : 6752
 تاريخ التسجيل : Jul 2010
 فترة الأقامة : 1386 يوم
 أخر زيارة : 07-04-2014 (01:18 PM)
 الإقامة : بحري الجميلة
 المشاركات : 2,013 [ + ]
 التقييم : 10
بيانات اضافيه [ + ]
افتراضي العابرات الـ11




عــابـره عـبر الـدم


يا عابرة عبر الدم شايلك شرايني
أنا بي لقاك مهتم بس كيف تلاقيني
لو عمري يتقدم وأضمن تلاقيني
أنا بعدو ما بندم لو مُتَّ في حيني
دنيا العذاب والهم ماشيها وحداني
لي غيري بتبسم وفي قلبي احزاني
رغم الصبر علقم في صبري متفاني
مع اني بتألم من جوة وجداني
الطيف يزيدني اشواق في النوم يناجيني
ويرحل بدون إشفاق ساعة يصحيني
يا طيفا كان مشتاق لي مين مخليني
طفل الغرام العاق .. ربيتو ومابيني
يا عابرة دنيا الجن بي كل أعاصيرا
لو سعدي ما ممكن احسن لي من غيرا
أنا بي لقاك مؤمن لكني في حيره
يصعب لقاك كيفن والدنيا بي خيرا
نهر الاماني سراب يا عابرة ارويني
غير ما السما الصباب طول مجافيني
والليل يزيدني عذاب في جوفو يطويني
كل ما الدمع ينساب من جفني يسقيني
يا عابرة حتى الآن عينيكي آسراني
سحراً ملكني زمان سكنتو اشعاري
راجيك زمن عطشان ما صبت امطاري
ليه في سحاب دخان يا القمرة تنضاري ؟
يا اماني لي بكرة والليلي والبارح
شايلك معاي ذكرى كان واعي كان سارح
بس يوم تبين سفرة يا عابرة بي الواضح
في نيتي من فترة داير اجيك نازح
آه لو قدرت اجيك .. رؤياك مراد عيني
أكسير حياتي وشيك من حزني يشفيني
من اشتياقي إليك يا عابرة دسيني
ما بين رموش عينيك شيليني ختيني
وأنا كنت شئ مجهول يا عابرة لولاكي
مع أني أول زول من بين ضحاياكي
فرشّتِي عمري الشاق اشعار من إملاكي
كانت على الاطلاق أجمل هداياكي
مصباحك المسحور جاهرني عاميني
سايق خطاي مبهور يسوقني يوديني
ما عارف المقدور بالفرقة راجيني
خارج نطاق النور حايم حواليني
عابرة الزمن ظلام .. في ظلمو متوالي
بقت الحقيقة احلام واحزاني شيء عادي
واصبح علي الزام كل ما صدح شادي
اهديك مدى الايام .. ألحاني وانشادي



عـــابـره فـي حـضـرة عـيـونك

لحظة في حضرة عيونـك وحاجبك المرسوم هـلال
ياها آخر أمنياتـــــي في حياتي ولا تـــزال
ذكرياتك يا أمانـــــي باقي رغم الماضـي زال
باقي نبراس الأغانـــي لما ليل الفرقة طـــال
لسة بتذكر وصالــــك آهة ما أحلي الوصــال
الزمان ياعابرهـ شالـــك من دنايا بلا قتــــال
سابني ماقادر أقــــارن بين حقايقك والخيـــال
قلبي في قلب المدايـــن وإيدي في إيد الشمــال
عابرهـ يا عطش القوافــي لما شديت الرحــــال
لي ديارك وإنتي جافــي شاردة زي بحر الغـزال
عابرهـ ياظبية فيافــــي سارحة بينات الجبــال
فرصة لي لقياها مافــي مافي حتي ولا احتمــال
يسألوني عن القصائـــد وإنتي في دنياي ســؤال
في الضحي المنشور قصائد والغد المأمول محـــال
عابرهـ دُنيا صور غرامــي عابرهـ تظهر من خـلال
إعترافاتي وكلامــــي ماضي كان موجود وزال
عابرهـ من دون الرسائــل ليه رسالاتك قــــلال
حالتي من يوم جيتي قايـل تبقي بيناتنا اتصــــال
كم زرعنا الريد دوالــي أزهرت أغصانو شــال
عتقت خمر الليالــــي بينا عند اللقيا مــــال
واللي كان ياعابرهـ وينــو ما الزمن ماعندو حـــال
مرة يسقـيك بي إيدينــو ومرة يديك بالنعـــال
عابرهـ مشتاق لي عيونـك وحاجبك المرسوم هـلال
عابرهـ كل الدنيا دونــك تافهه والأيام تقــــال


عــابـره مابتجف أبداً جفوني

مابتجف أبداً جفوني والدمع طوالي هاطل
والخلوق بعدك جفوني والضياع يا عابره حاصل
عابره ذكراك ياها عوني في الزمان الجاف وقاحل
في سراب توه عيوني في بحار من غير سواحل
عابرهـ من فارقتك إنتي أصلي ما ونّيت مواصل
في طريق لو كان عرفتي سام و وا أسفاي قاتـل
عابرهـ محتار كيف ألاقيـك لي عيونك وين أقابل
مدة في حرقة بواديـك قلبي ما رشاهو وابل
عاد أجيبلو الفرحة من ويـن مني كل الشايفو جافـل
راجي من جملة مساكين رحمة الله الماهو غافـل
إلا بس وحياة حناني والمني الصعبان وساهل
بي غرامك يا أماني الفؤاد مليان وآهل
للفراق البينا أسباب يوم تزول يا عابرهـ آمِـل
نبقي زي مانحنا أحباب نمشي في الأعياد نجامل
عابرهـ لوكان ألقي خاطري بسرقن في القيط سنابل
وأهدي ليك من بين جواهـري أندر الماسات في بابل
ترتوي وتشرب بواديـك وينتشي الفي فرعو ذابل
ويرجعن صادات قماريــك ويصدحن في الدوح بلابل


عـابـره جـرحـي الألـيـم


عابـرهـ ياجرحـي الأليـم أيـام لـقـاك مابيرجـعـن
لكن محال يرجـع قديـم بيهـو الظـروف مابيسمحـن
أطياف تجيني خيال خيال همس السواقي يجي ويـروح
غرقان أشابي علي المحال من قلبـي مادايـر النـزوح
زي شتلة في حلق الرمال دار يبلعـا الزحـف الطمـوح
ماني البراي علي كل حال كل المخاليـق ..... تندفـن
مرات بشوفك فـي المنـام رغـم المسافـات والنـوي
لو حتي ناقص ماهـو تـام متعشـي أوبايـت القـوي
بي رفعة إيدك فـي السـلام يرجـع زماننـا الإنطـوي
ياعابرهـ لوكان في المنـام رؤيـاك عيونـي بتسعـدن
خبـرك أناجيبـو الصبـاح ماكانـتي البـارح مـعـاي
وإتمط فوق كميـن جنـاح وإتمـد فوقـا علـي قفـاي
وأسرق من الماضي اللي راح أمسح مزاميري وغنـاي
ياعابـرهـ بـي رغـم الجـراح البـي لسـع ينـزفـن
رغم الرياح والموج شديد وأنا لاني يوسف ولاني نـوح
لكن بحاول من جديد أبني السفايـن لـوح فـي لـوح
ويوم أرسي في الشاطي السعيد وألقاكي يا ام وجهاً صبوح
ياعابرهـ بي عزمـي الحديـد كـل المسافـات يقصـرن
الفرحة كستهـا فـي الشمـوع لكـن لقيتـا بتنطفـي
في حفلة في غنـوة ربـوع إن شـاءالله تظهـر وتختفـي
فتشـت لاغايـة الدمـوع لكـن براهـا الماهـا فــي
ياعابره لـو كـان للرجـوع أيـام زمـان مابيرجعـن
ياعابرهـ في الزمن العجيب خايف عليك هـوس المـدن
بي نيتك الصافي الحليب وانصع بياضـا مـن القطـن
ذكراك تجيني قريب قريب زي نسمة في الجـو السخـن
ياعابرهـ ذكـراك ماهـا عيـب بيهـا وبلاهـا ينقنقـن
ياعابرهـ في ضي القمـر فـي ليلـة كتاحـة ودعـاش
متمدي لي مد البصر خلت عيونـي طشـاش طشـاش
وفي قلبي ريدك مافتر ينمو ويزيـد لـي اليلـة عـاش
ياعابرهـ ديمـة علـي سفـر روح الهيـام مابتنسجـن



 توقيع : ذكريات


رد مع اقتباس
قديم 21-02-2012, 10:31 AM   #2
ذكريات
.::|::. عضو فضي .::|::.
السكوت صوت الوجع


الصورة الرمزية ذكريات
ذكريات غير متواجد حالياً

بيانات اضافيه [ + ]
 رقم العضوية : 6752
 تاريخ التسجيل :  Jul 2010
 أخر زيارة : 07-04-2014 (01:18 PM)
 المشاركات : 2,013 [ + ]
 التقييم :  10
 الدولهـ
Sudan
 الجنس ~
Female
لوني المفضل : Darkmagenta
افتراضي رد: العابرات الـ11



عـابــره عــصـفـور الـــصـباح


عصفور الصباح بيغني لما الليـل يولي ستارو
سبحان الوضع ياعابره في صدر الكنار مزمارو
كم يشجيني لما يغني يجلي الماضي بي اسرارو
شايفك بي وضوح يا أماني والكل في السنين إنضارو
في موكب هوانا أبحرنا في زمـن القدر اختارو
راقدين في أمان وغفلنا من ريح الفراق وإعصارو
يوم نزل العزول ساحتنا ما اتنبهنا لي اخطارو
ماقايلين ودادنا الصافي ما ح نجني غيـر تذكارو
مامليتا يوم ذكراكي في درباً طويل مشوارو
كالنيل في البوادي بيجري يوم ما انعكس تيارو
بطراك وانتي وين ماكنتي لي عشق الفؤاد تكرارو
لو طيفك يطوف يغنيني من ليل النجـوم سمارو
حر أشواقي ليك ياعابره أحر من الصيام ونهارو
مترقب زمن لقياكي زي ساعة الآذان وافطارو
مانساني طول المدة مـازال قلبي في إصرارو
مكتول العيون ياعابرهـ من وين دار يفتش تارو
ياكوكب سماي الضاوي ماغارت شهب في مدارو
كاسيهو الوقار بي حله أجمل من زحل وأقمارو



عــابـره تـعالي عـلي الأقـل نرتاح

بعد فرقة سنين طالت بلا إصلاح تعالـي علـى الأقـل نـرتـاح
تعالي عشان منـاي مجـروح يئـن بيـن الجسـد والـروح
عشان يا عابـره لمـا نـروح نخـلـد ذكـرنـا الـفــواح
تراكي بـراك عرفتـي الشـوق وكت ساقة القواسـي تسـوق
يناطح موجـا فـي الباشـوق متـل زمـنـاً ردي ونـاطـاح
وراكـي عرفـت درب اللـيـل بـلا ناسـاً يـشـدو الحـيـل
ركـب زمنـاً عنيـد بلحـيـل يميـن زي المـهـر جـمـاح
كتيـر باصرتـو لـي قــدام مراقـبـو وعيـنـي لـلأيـام
عنيد يـا عابـرهـ مافـي كـلام بـدون أغفـل رمـانـي وراح
مـن الحـزن اللبسنـا وشـاح تعالـي النخـلـق الأفــراح
نعـوض يـا أمانـي الــراح ونصطـاد الأمـل كــان لاح
حييتـك فـي الربيـع أبيـات شعـر مانـام شتاهـو بيـات
وداخـرك للسمـوم واحــات تلـطِّـف حـرهـا الـلـفـاح
ذكاك يـا عابـرهـ مـا ضنيـن ولا بيختلفـو فيهـو اتنـيـن
عرفتـك مـن سنيـن وسنيـن منـو الـزي عقلـك اللـمـاح
حفظتك فـي دفاتـري اشعـار وفـي درب الصبـر إصــرار
وشايلـك فـي الخيـال تذكـار يمـر قدامـي ليـل وصـبـاح
وحيد يا عابـرهـ جافـي النـوم متل بايـت القـوى المحمـوم
أهضرب من سريـري وأقـوم حـداي تتـبـارز الأشـبـاح
يلـف دولاب همومـي يـدور هـمـوم يتعاقـبـن بـالـدور
متين يشـرق صباحـك نـور يشـق قلـب الظـلام يجتـاح
أنا اليـا عابـرهـ ليـك منقـاد مُصِـر أمـلأ الفجـاج إنشـاد
وإذا اجتمعـت بـلاد وبــلاد بواظب كان غلط كـان صـاح


عـابره عام الفـين

ياعابرهـ عام ألفين راجيهو عام فوق عام
لا إتجـددت لقيـا ولا إتحققـت أحـلام
قلبي البلاكي يتيم ذارف دموعـو حزيـن
صبرتو بالأحلام قُت ليهـو عـام ألفيـن
حا نمشي لأمدرمان نسأل عيونـك ويـن
خدرتو بالأمال .. لوليتو لامن نام
في نومو يتعبَّـر يشهـق بـلا أسبـاب
متبشتن المسكين الكـان قبيـل أربـاب
لما الزمن كان زين ياعابرهـ كنـا قُـراب
لا حالت الفرقة .. بيناتنا . . لا الأيام
عايش معاكي سنين زي الفراش والضـو
مليان نشاط وحماس مابيرجي قولة سو
لما الفراق فرَّخ حلق غراب فـي الجـو
يوماً سوادو عجيب .. بدل ضياهو ضلام
أه يا أماني هواك جـارف كمـا الشـلال
وقلبي الدوام مشتـاق متكبِّـد الأهـوال
في يوم بداية ليل والقمـرة دابـا هـلال
صـوت الهدِم في القيف قلع هدومو وعام
بالله إتوكـل والتانـي حسـن الـظـن
من عهدو ما اتنصل أطريهو لـو أمكـن
رغم إنو كان عارف كل المشـن ماجـن
مشحون مني اشواق طاريك اماني دوام
ياعابرهـ زي النيل بلقاكي كـل إشـراق
وألقاكي نص الليل زي نجمة في الآفـاق
في بلة المنديـل بـي دمعـة المشتـاق
لامن تفيض وتسيل من قمة الالام
قالوا الطمع مكروه إلا الطمع في الديـن
خايف برايا أتوه طمعـان أقابلـك ويـن
رغم الزمن مشبـوه لابـد متلاقين
ايامنا لو طالن ما شالن الهدّام
يا عابرهـ عام ألفين راجيهو عام فوق عام
وكل السنين أمواج مندافعـي لـي قـدام
وزولاً مـع التيـار مابتسعفـو الأقـدام
لامن يلم يرتاح .. يا عابرهـ الف سـلام
إنتي الملكتي زمان بي رقـة الإسلـوب
أدمن هواك إدمان والليلة غالبـو يتـوب
يا عابرهـ مهما كـان باكـر بنلقـي دروب
نملا البوادي قصيد وقلب المدينة غرام

عــابره مــشتـاق للبلد

يا عابرهـ .. مشتاق للبـلد
شوق الغفار الجافه لي صوت الرعد
للروعه في أيام زمان وشليل وشد
للوقفه فوق درب الورود والصيد ورد
لي زول يدودر للشراك في قينقرد
يدعوها يابت الملوك بحرك شرد
لي صوت حنون بينادي في صبح السعد
ماتصحا يا زين الجنيات شايك برد
حبل الصلات البينا أقوي من المسد
لولا مناشير المشايخ والعمد
فجعوني في ريدي القديم لما إتفقد
يوم فقدو كان يوماً عجيب هزاني جد
باعوهو لي زولاً غريب شالو وشرد
خلاني في غمرة شقايا بلاسند
حسيت إني فقد هنايا إلي الأبد
في لحظة عِن ساعة الصفاح لُمان عَقد
طارت سحايب أحزاني بالشوق والكمد
غطت سماي الفيهو نجمات بالعدد
الحالة ياست العيون مابتنشرح مهما سرد
يعلمبها الرافع سماهو بلا عَمد

عالم الغيوب الخمسة بي جاهو لإتفرد
الباسط الباري البديع صادق الوعد
قلبي الوراك أنفق سنين ماليها حد
رحالة فوق جمل الهجين طالبو الأمد
وآخر كلام ياعابرة قدامك ولد
راييو الأخير الموت ولا العيشي النكد


 

رد مع اقتباس
قديم 21-02-2012, 10:31 AM   #3
ذكريات
.::|::. عضو فضي .::|::.
السكوت صوت الوجع


الصورة الرمزية ذكريات
ذكريات غير متواجد حالياً

بيانات اضافيه [ + ]
 رقم العضوية : 6752
 تاريخ التسجيل :  Jul 2010
 أخر زيارة : 07-04-2014 (01:18 PM)
 المشاركات : 2,013 [ + ]
 التقييم :  10
 الدولهـ
Sudan
 الجنس ~
Female
لوني المفضل : Darkmagenta
افتراضي رد: العابرات الـ11



عـــابـره بـت المدايـن

عــابرهـ يا بنت المداين والمدن ما فيها عشرة
يا حليل أيامها راحت خلفت جواي حسرة
كل ما اقول آخر دي عابرهـ تاني ألقا اشعاري تترى
تندفع قدامي دافرة زي مياه النيل بتجري
وفي بوادي أحزاني فاضت وما إكتست وجداني خضرة

للأسف يا عابرهـ عارف إنو في دربك ضياعي
إلا برضو مصر أجازف حأظل طول عمري ساعي
ولي عيونك لازم أوصل وحتى لو ما اليلي بكرة

حبي ليك يا عابرهـ صادق حبي ما بيعرف فنادق
حبي من وحي الخنادق من زفير نفس البنادق
ولا بيقيف قدامو عايق ولا الرياح تمنعلو هجرة

كيف سواسيوك أسوقها في الضحى الحلق حِدي
فوق جزارات غالي سوقها بيها كل المافي زيو
ولا قدرت أخش أتاجر لاني قادر أرجع أقرأ

أقرأ إيه من غير عيونك وإنتي لي عيني سراجها
كيف زمانن قلّ نورو وشع فيهو الروح وإبتهاجها
وكل ما أصيح يا عابرهـ وينك وفي الصياح تخنقني عبرة

دا الحرام يا عابرهـ ظاهر شرحو ما بيصعب علينا
والحلال طيراً مهاجر ما بيرك يوم في المدينة
وتقرع أجراسو المداين والطيور إيمانها فطرة

ما الطيور إحساسها صادق تعرف الفجر الحيطلع
صادقي والإنسان مخادع حتى لو كان دابو يرضع
الجبال أبت الأمانة وشالها هسع الواطي جمرة

ماضي في دنيا عنادو اليفوت كان فيها ينفع
مهما كان إدراكو واسع عابرة ما علم الله أوسع
وشوفي كيف روعة جلاله لما قال للأمي أقرأ


عـابره المجهـول

يا عابرهـ انتي سراب لكن حقيقية
جوايا بين البين لا ميتة لاك حية

يادار أماني سلام بالشوق عرفناكي
مشتاق لرؤياها من قبل رؤياكي
وريها قيس في الباب مستني يلاكي
راجيكي رغم الكان . لوعندك النية

رغم الظروف الآن ياعابرهـ ماناسي
انك معاي في يوم قدرتي إحساسي
ما أجمل الإلفة لولا الفراق قاسي
يا ريتنا لا كنا ولا بينا حنية

ترغب فتاة اليوم في فارس أحلاما
أموالو قبل الريد في عرف أحكاما
وماشرط جات من وين ماطال قداما
باكر تطالع الناس في خدعة زوجية

ماهي ملك الزول العقلو شيطاني
عايش بفكر الغير لكنو سوداني
سلب حقوق الناس في طابع انساني

الفكرة حب الذات والنظرة مادية
والكاتب المسكين منحورة أحلامو
دايماً حياتو خيال ماواضحة قدامو
يسمع ضجيج أطفال في غمرة أوهامو
بينن يعيش في بيت أحلامو وردية

يابوي صباح الخير ياماما كيف حالك
ما الليلة عيد ميلاد مانحنا أطفالك
مبروك هدية العيد شيتاً يسر بالك

قُبلاتنا والإخلاص عديها عيدية
ولمن يفيق بيصيح من صدمة الواقع
في قبضة التجار بين الديون راكع
من وطأة الأمطار أولادو في الشارع
ومستني آخر الدور راجيلو ماهية

وأمنا المخازن وين أزفت من الكاتب
هم في الحقيقة أخوان في القيمة والراتب
أضحت قضاياهم حبلاً علي قارب
و اتجسد الإهمال هيئات نقابية

لاقاني جبر الدار بالصدفة لاقيتو
راجل عجوز ثرثار شايل هموم بيتو
يشرح لي في الأحوال الطلعت زيتو
أصغيتلو بي إخلاص سويتو راديَّا

مابينو بين علان الحيطة مكسورة
جات كلبة الجيران سعراني مسعورة
لاقت عماد في الحوش يلعبلو في كورة
نامتلو في الإبهام والدنيا عصرية

عجلان علي الدكتور أسرعت وديتو
راجنو لا بالليل ماجانا من بيتو
لمان وصل شفقان أسرعت لاقيتو
قبل الكشف في الحال طقاني بي مية

وأداني روشتة خطاها وقافي
فتشت في الأسواق مصل السعر مافي
يا إبني شيلا معاك ساعدني من مافي

ما إنت زول شغال في وحدة طبية
يا إبني سارح وين وأنا في هموم رابطة
لايبقى قولي معاك أذنت في مالطة
حاول بقدر الكان شغل الزمن واسطة

ما إنت والمسئول الكل حرامية
أبداً كلامو صحيح هزتني أقوالو
لكني زيو تمام زولاً قدر حالو
آلامو آلامي وأحوالي أحوالو
لكن عن المسئول ماجابا فوق نية

ياعمي جبر الدار ماك البراك حاير
أنا وانت من مليون بيها الزمن داير
جمجمة الآمال فيها الجرح غاير
القاضي والدكتور اليمشو في داهية

يحيا الدكاترة جميع أنا عنهم راضي
هم مننا ولينا الآسي القاضي
من غيرن الإضراب زي الكلام فاضي
أنا قاصد الماسكين خانات وزارية

أورنيك من الإسكان تلقاهو في الصحة
وبالعكس في الإسكان تطلب دوا قحة
ياعمي جبر الدار ديل للوطن قرحة
أنواع من التسهيل أغراضا حزبية

مليون صحيفة تبين مرسولة للقاري
فيها الخبر منشور واضح عديل عاري
تظهر صحيفة دفاع تنفي النبا الجاري
والشارع المسكين في محو أمية

يامعشر البوليس ما إنتو إخواني
ساعدوني في التخليص من قبضة الجاني
بس قللوا البمبان من فترة للتاني
بكرة الحقيقة تبين لي ناس عواطلية

مايلا يا أولاد خارجونا خارجونا
الكاكي عز ام زين اليدو مضمونة
حرية التجار حرية مطعونة
الموت ولا الأحزاب في رايي حرية


عابره أرويني

أرويني أرويني نهر الأماني سراب
ياعابرة دليني ولميني في الأصحاب

الخوف من المجهول وباب الرجا المقفول
في أوجه العزاب والوازع الديني

كل التلاتة معاي اتلموا زادوا شقاي
شايل خطاي مرتاب والهم مزازيني

ودمع الأسي المسكوب فوق مقبرة محبوب
والعيد علي الأبواب والباكي يعنيني

خلاني بين العود وبين اللحا المشدود
عايش دمار الغاب والسوس حواليني

يامعتصم زايلة الدنيا ما ما يلة
فيها الفرح كضاب ماشفتو يعميني

أوصف حياتك كيف كانت سحابة صيف
مرت علي السالماب لاضل ولا عِيني

ياعابرة حبيتك واسرعت لاقيتك
بالفرحة والترحاب واللهفة في عيني

حباً بلا جدوي متعثر الخطوهـ
دقيتلو مليون باب من غير يلبيني

مهزوم من الماضي مظلوم وانا القاضي
وكل القضية عتاب لي حظ معاديني

ورغم الحصل مازال سيف الولف كتال
سيرني في ديداب في آخرو راجيني

يوم الوداع الحار يوم ينتهي المشوار
يوم يرحلوا الأحباب يادمعة عينيني

ياعابره حاتلاقي لوفي العمر باقي
عالم دروبو صِعاب في تيهو تطريني

أنا والهوي المكتوم بين السهر والنوم
والركوه والمحراب والليل يواسيني


 

رد مع اقتباس
قديم 21-02-2012, 10:59 PM   #4
عاشقة الطمبور
.::|::. عضو ذهبي .::|::.
معـــــــــزور لـــــــو قلــــبي اشتــــهاك


الصورة الرمزية عاشقة الطمبور
عاشقة الطمبور غير متواجد حالياً

بيانات اضافيه [ + ]
 رقم العضوية : 2827
 تاريخ التسجيل :  Jun 2009
 أخر زيارة : 21-04-2014 (02:25 PM)
 المشاركات : 2,856 [ + ]
 التقييم :  10
 الدولهـ
Sudan
 الجنس ~
Female
لوني المفضل : Black
افتراضي رد: العابرات الـ11



[QUOTE=ذكريات;192499][size=5][center][size=5][color=blue]
عـــابـره بـت المدايـن

عــابرهـ يا بنت المداين والمدن ما فيها عشرة
يا حليل أيامها راحت خلفت جواي حسرة
كل ما اقول آخر دي عابرهـ تاني ألقا اشعاري تترى
تندفع قدامي دافرة زي مياه النيل بتجري
وفي بوادي أحزاني فاضت وما إكتست وجداني خضرة

للأسف يا عابرهـ عارف إنو في دربك ضياعي
إلا برضو مصر أجازف حأظل طول عمري ساعي
ولي عيونك لازم أوصل وحتى لو ما اليلي بكرة

حبي ليك يا عابرهـ صادق حبي ما بيعرف فنادق
حبي من وحي الخنادق من زفير نفس البنادق
ولا بيقيف قدامو عايق ولا الرياح تمنعلو هجرة

كيف سواسيوك أسوقها في الضحى الحلق حِدي
فوق جزارات غالي سوقها بيها كل المافي زيو
ولا قدرت أخش أتاجر لاني قادر أرجع أقرأ

أقرأ إيه من غير عيونك وإنتي لي عيني سراجها
كيف زمانن قلّ نورو وشع فيهو الروح وإبتهاجها
وكل ما أصيح يا عابرهـ وينك وفي الصياح تخنقني عبرة

دا الحرام يا عابرهـ ظاهر شرحو ما بيصعب علينا
والحلال طيراً مهاجر ما بيرك يوم في المدينة
وتقرع أجراسو المداين والطيور إيمانها فطرة

ما الطيور إحساسها صادق تعرف الفجر الحيطلع
صادقي والإنسان مخادع حتى لو كان دابو يرضع
الجبال أبت الأمانة وشالها هسع الواطي جمرة

ماضي في دنيا عنادو اليفوت كان فيها ينفع
مهما كان إدراكو واسع عابرة ما علم الله أوسع
وشوفي كيف روعة جلاله لما قال للأمي أقرأ


من اجمل العابرات هذه العابره جدا تروقوني .....

تسلمي يا ذكريات دمتي بود ..


 
 توقيع : عاشقة الطمبور

امي الله يسلمك
ويديكي لي طول العمر ....


رد مع اقتباس
قديم 21-02-2012, 11:33 PM   #5
ود الشمالية....
┋ ﻟ̯ﮬ̲̌ﻓ̲ة ┋
.::|::.إدارة المنتدي.::|::.
وما تغدربك الأيام ..


الصورة الرمزية ود الشمالية
ود الشمالية غير متواجد حالياً

بيانات اضافيه [ + ]
 رقم العضوية : 3
 تاريخ التسجيل :  Nov 2008
 أخر زيارة : اليوم (01:03 PM)
 المشاركات : 4,412 [ + ]
 التقييم :  10
 الدولهـ
Sudan
 الجنس ~
Male
لوني المفضل : Black
افتراضي رد: العابرات الـ11



شكراً زكريات على الطرح الرائع ..

أجمل ما في القصائد دي انها كلها اتلحنت وغنوها فطاحلة فناني الطمبور ..

دمتي بود ..


 
 توقيع : ود الشمالية


التابع الصاح ما ضِهب|..

.

الجرب يطير ما بمشي .. لو حرت علي الأشواق



رد مع اقتباس
قديم 21-02-2012, 11:33 PM   #6
ودالعمده
مشرف
.::|::. المنتدي العام .::|::.
فـــــــــــوحي زي زمــــــــــــان


الصورة الرمزية ودالعمده
ودالعمده متواجد حالياً

بيانات اضافيه [ + ]
 رقم العضوية : 5860
 تاريخ التسجيل :  Mar 2010
 أخر زيارة : اليوم (04:46 PM)
 المشاركات : 6,470 [ + ]
 التقييم :  10
 الدولهـ
Sudan
 الجنس ~
Male
لوني المفضل : Blue
افتراضي رد: العابرات الـ11



عابـرهـ ياجرحـي الأليـم أيـام لـقـاك مابيرجـعـن
لكن محال يرجـع قديـم بيهـو الظـروف مابيسمحـن

ياســـــــــــــلام الف الف حمداُ لله علي السلامه
وبركه بالطله ومشكوره علي التحف


 
 توقيع : ودالعمده



رد مع اقتباس
قديم 22-02-2012, 01:26 AM   #7
صابح عابره
.::|::. عضو لامع .::|::.
عابره ماضي وعابره حاضر


الصورة الرمزية صابح عابره
صابح عابره غير متواجد حالياً

بيانات اضافيه [ + ]
 رقم العضوية : 7695
 تاريخ التسجيل :  Oct 2010
 أخر زيارة : يوم أمس (12:43 AM)
 المشاركات : 505 [ + ]
 التقييم :  10
 الدولهـ
Sudan
 الجنس ~
Male
لوني المفضل : Crimson
افتراضي رد: العابرات الـ11



كلمات: محمـد احمــــد الحبيــــــــب

غناء: قـرشي الحجير
عـــــــــــــابـره



ما غريبة علي عيوني ولون مشاعرك ياهو لونى
مافى غيرك ياكى إنتى نجمة فى ماضى أمسياتى
فى إنسياب النور لمحتك وفى دهاليز ذكرياتى
إنتى وحدك ما نسيتى لما كل الناس نسونى
فى القديم الماهو راجع ولىّ حامل كل ماضى
فى نخيلاً خر خاشع قضى عمرو الافتراضى
فى زماناً شفتو دنقر وخم هم الدنيا جانى
فى الخيال تتراءي صورتك بؤره فى عمق الليالى
ومن بعيد يرتادنى صوتك لحظة ما فارق خيالى
وكلما حاولت أسرح مره فى إرشيف زمانى
عابره حب الناس مذاهب بس هواك واقف قصادى
عينى فى نفس المواكب قدر ما ألكز جوادى
مانى عارف نفسى واقف ولا راحل بى مكانى
فى قفا الأيام أجاهد والدموع ما كفى سيلا
فى المنى الإتراخى قاعد والمصايب الواقفة حيلا
والظروف الما بترحم
انـــــــــــــــا يا
عابره كان الله فى عونى
ده القبيل الكان بيريدك خلّفك فى داجى حالك
لا قدر يآخد بإيدك لا رجع خلاك فى حالك
يا ريت خلانى جنبك شان أطبق قول لسانى
والفراق البينى بينك سدّ من كل النواحى
ورّى درب الدمعة عينك ومطى فى الآفاق نواحى
والزمان ما بيلوى ساير ضيعك فى الزفه منى
دى الأرض يا عابره دونك بلعت التيراب حياضا
والقوافى بدون عيونك عشعش البوم فى رياضا
من وراك يا عابره ياما بالندم عضيت بنانى









 
 توقيع : صابح عابره

ع
ا
ب
ر
ه


رد مع اقتباس
قديم 27-02-2012, 08:09 AM   #8
محمد صابر محمد
مشرف
.::|::. المنتدى الإجتماعي .::|::.
أزاي إحتراسك تقول الوداع


الصورة الرمزية محمد صابر محمد
محمد صابر محمد غير متواجد حالياً

بيانات اضافيه [ + ]
 رقم العضوية : 4022
 تاريخ التسجيل :  Oct 2009
 أخر زيارة : 22-04-2014 (12:18 PM)
 المشاركات : 1,548 [ + ]
 التقييم :  10
 الدولهـ
Sudan
 الجنس ~
Male
لوني المفضل : Fuchsia
افتراضي رد: العابرات الـ11



امنا الغالية حمد الله علي السلامة

( فرحة رجوعك بس كفى )

لكي التحية و التقدير علي هذه التحف

متعك الله بالصحة و العافية


 
 توقيع : محمد صابر محمد



رد مع اقتباس
قديم 16-07-2012, 02:15 PM   #9
الجوكر....
باكرنا نيل
.::|::.إدارة المنتدي.::|::.
حليل الفارقتهم


الصورة الرمزية الجوكر
الجوكر غير متواجد حالياً

بيانات اضافيه [ + ]
 رقم العضوية : 2
 تاريخ التسجيل :  Nov 2008
 أخر زيارة : 09-02-2014 (10:06 PM)
 المشاركات : 1,348 [ + ]
 التقييم :  10
 الدولهـ
Sudan
 الجنس ~
Male
لوني المفضل : Black
افتراضي رد: العابرات الـ11



اقتباس:
يامعشر البوليس ما إنتو إخواني
ساعدوني في التخليص من قبضة الجاني
بس قللوا البمبان من فترة للتاني
بكرة الحقيقة تبين لي ناس عواطلية

مايلا يا أولاد خارجونا خارجونا
الكاكي عز ام زين اليدو مضمونة
حرية التجار حرية مطعونة
الموت ولا الأحزاب في رايي حرية

بس قللوا البمبان من فترة للتاني


 
 توقيع : الجوكر


انت الزائر رقم
لمواضيعي وردودي

مواضيع : الجوكر



رد مع اقتباس
قديم 16-08-2012, 12:12 AM   #10
hussin08
.::|::. عضو برونزي .::|::.
بحبك اقوله بي كل اللغات


الصورة الرمزية hussin08
hussin08 غير متواجد حالياً

بيانات اضافيه [ + ]
 رقم العضوية : 879
 تاريخ التسجيل :  Mar 2009
 أخر زيارة : 26-02-2014 (05:38 PM)
 المشاركات : 1,986 [ + ]
 التقييم :  10
 الدولهـ
Sudan
 الجنس ~
Male
لوني المفضل : Darkred
افتراضي رد: العابرات الـ11



ابداع بس ياريت لو ختيتي لينا كل عابرة بي رابط التحميل بتاعه


 
 توقيع : hussin08



رد مع اقتباس
قديم 31-08-2012, 12:06 PM   #11
ودمحمود
مشرف
.::|::. منتدي أغاني الطمبور .::|::.
وادي الهلاك


الصورة الرمزية ودمحمود
ودمحمود غير متواجد حالياً

بيانات اضافيه [ + ]
 رقم العضوية : 50
 تاريخ التسجيل :  Dec 2008
 أخر زيارة : يوم أمس (09:05 PM)
 المشاركات : 18,092 [ + ]
 التقييم :  10
 الدولهـ
Sudan
 الجنس ~
Male
لوني المفضل : Navy
افتراضي رد: العابرات الـ11





 
 توقيع : ودمحمود

لَآ يَكْتَمِل جَمَال الْحَرْوف أَلَا بِحُضُوْرِكُم







رد مع اقتباس
قديم 20-04-2013, 02:58 AM   #12
ود ازهري
.::|::. عضو مبدع .::|::.
يانفس فجر القصائــد


الصورة الرمزية ود ازهري
ود ازهري غير متواجد حالياً

بيانات اضافيه [ + ]
 رقم العضوية : 11024
 تاريخ التسجيل :  Oct 2011
 أخر زيارة : اليوم (12:26 PM)
 المشاركات : 1,129 [ + ]
 التقييم :  10
 الدولهـ
Sudan
 الجنس ~
Male
لوني المفضل : Black
افتراضي رد: العابرات الـ11



لك التحية بعدد العابرات


 
 توقيع : ود ازهري

فے ناسآ عزاز مشتـہنك رزاز ♥̉ہہ
فے ناسآ رزاز مشتہيـہن هنا ♥̉ہہ


رد مع اقتباس
قديم 10-08-2013, 03:07 AM   #13
maaz osman
.::|::. عضو مبدع .::|::.
ﺟﻔﺎﻛﻰ ﻫﺠﻴﺮﺍً ﻳﺤﺮِّﻕ


الصورة الرمزية maaz osman
maaz osman غير متواجد حالياً

بيانات اضافيه [ + ]
 رقم العضوية : 12581
 تاريخ التسجيل :  Apr 2012
 أخر زيارة : 10-10-2013 (12:48 AM)
 المشاركات : 1,377 [ + ]
 التقييم :  10
 الجنس ~
Male
لوني المفضل : Darkslateblue
افتراضي رد: العابرات الـ11



شكرا على الابداع


 

رد مع اقتباس
قديم 14-08-2013, 12:39 AM   #14
maaz osman
.::|::. عضو مبدع .::|::.
ﺟﻔﺎﻛﻰ ﻫﺠﻴﺮﺍً ﻳﺤﺮِّﻕ


الصورة الرمزية maaz osman
maaz osman غير متواجد حالياً

بيانات اضافيه [ + ]
 رقم العضوية : 12581
 تاريخ التسجيل :  Apr 2012
 أخر زيارة : 10-10-2013 (12:48 AM)
 المشاركات : 1,377 [ + ]
 التقييم :  10
 الجنس ~
Male
لوني المفضل : Darkslateblue
افتراضي رد: العابرات الـ11



مشكور على الابداع


 

رد مع اقتباس
إضافة رد

مواقع النشر (المفضلة)


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه للموضوع: العابرات الـ11
الموضوع كاتب الموضوع المنتدى مشاركات آخر مشاركة
صور للرائع شاعر العابرات - الحبيب خالد الجود منتدى صور فناني وشعراء منحنى النيل 5 26-02-2011 11:48 PM
شاعر العابرات الحبيب عبدالله عمر المنتدي العام 4 09-12-2009 06:38 PM
الحبيب شاعر العابرات 1 الشاطرابي المنتدي العام 7 12-10-2009 01:50 AM


الساعة الآن 04:46 PM.


Powered by vBulletin® Version 3.8.6
Copyright ©2000 - 2014, Jelsoft Enterprises Ltd.
HêĽм √ 3.1 BY: ! ωαнαм ! © 2010
^-^ جميع آلمشآركآت آلمكتوبهـ تعبّر عن وجهة نظر صآحبهآ ,, ولا تعبّر بأي شكلـ من آلأشكآل عن وجهة نظر إدآرة آلمنتدى ~