ماضى الذكرى

غناء المبدع / محمد النصرى


ماعارفين حبال الذكري تنجـر فـوق قليبي سيوف
نرسمو خلا ما ضي الذكـري غدار في الغرام معـروف
***
ياخلا تعرفــو البيـا البي ما بتطـلو حـــــــــروف
ما لسـه وتـراي للي في سجـن الغرام مكتوف
***
الحال التوصفــو فيـه ظاهـر وللعيون مكشــوف
والله العظـيم كان تبكو لو شفتـو الدفين في الجوف
***
داجي علي ياخلايا اهيم البال علي مغـروف
ما جايب خبير للدنيا زي فاقد السمع والشوف
***
ناحل جسمي شاحب لوني زي زهرا ضبل ملفـوف
لكن الهمــوم والحسره زي الضاربي فوقي دفوف
***
ياخلا البريـده قليبي يوم لقياها ما معـروف
املتا وكتيـر راجيها خاب ظني ورجع مكـسوف
***
ماقادر اقـــول خلـتني او جارت عليها ظــروف
ولا قادر اطمن نفسي من فارق الظنـون والخوف
***
بقيت اشــتاق لليل اقول يمكن خيالا يطوف
يرجع لي صوابي افيـق يعـود قلبي القبيل مختوف
***
تمر سالت دقيش نسمات عبير طيـبا يفوح مسروف
يرد روحي ويبل شـوقي ويصيب جـرح الاسي المالوف
***
يعود الليل واعود لبكايا في ليلا طـويل مــــــــردوف
منداري من الجحيم يا خلا من فوج بالهموم مزفـوف
***
اسوق بين الدمـوع والحسره داير لصباحي اشوف
حليل شمسا تعيدو صباحي في دنيايا طـاقي كٍـسوف
***
قط ما كان غريب ياخـلا الحب لمصــــــايبو اشوف
من شدة هواي في دربو صار عندي العـذاب مالوف
***
يسعـدني اني صنتو هواها بادلتا العــــــذاب معروف
زي ما صان قليـبي هواها طوع في غناها حــــروف

لكي التحية بت القرير

مشكووووووووووووووووووووووووره بت القرير

مشكوره بت القرير
ابدااااااااااااع

ماضى الزكرى والاحزان بقيت درفون بقيت بكاى ولا الناس يغنو غناى عزبتينى فى دنياى ,,,اتبهدلت كان اخر شقاى وشقاى

شكرا بت القرير

مشكورة بت القرير

بقيت اشــتاق لليل اقول يمكن خيالا يطوف
يرجع لي صوابي افيـق يعـود قلبي القبيل مختوف

لله درك يابت القرير علي هذه الكلمات .

للمعلومه فقط هذه الاغنيه للمرحوم يس عبد العظيم

لك تحياتى اختى .فاول من تغنى بها المبدع يس عبدالعظيم فاحفظوا الحقوق