::: بتمشي ولا ما بتمشي؟؟ ::

بسم الله الرحمن الرحيم

مساء / صباح الخيــــــــــر

لعلكم طيبين ..

يا اخوانا .. كلنا حبّينا .. وعشنا تفاصيل حكايات وروايات .. ولمن بنقطّع في النجيلة .. ولمن مشينا في شارع النيل ... وخططنا ورسمنا .. نعرس يوم كدي .. ونسمي الوليدات كدي وكدي ...

بعضنا توج الحكاية بعرس وسعادة ... ولكن للأسف الشديد معظمنا كمان اتشوكش ..

وفوق الشاكوش كمان حبيبو أو حبيبتو ... ربنا كتب ليه النصيب وبقى بيعرس زول تاني ..

أهن السؤاااال هني ..

كان زولك الزماااااااان ... عزمك العرس ..

تمشي ولا تعمل رايح ...؟؟

يا اخوانا افتونا .. باقي النار براها مولعة في قلبي ..

اها والبيقول ما ماشي .. يقول لي شنو ...؟؟

والماشي .. أو مشى .. يقول شعر بي شنو ..؟؟

تحياتي واحترامي


ودمتم

النار في قلبي لك التحيه

لك التحيه

مشكووور على الموضوع الجميل

طبعاً بمشي وابارك كمان

الدنيا قسمه ونصيب

والقسمه ما معاى لازم امشي واشارك الفرح

واغني في الليله ديك


تقبل مروري

المشاركة الأصلية كتبت بواسطة غربه وارتعاش

النار في قلبي لك التحيه

لك التحيه

مشكووور على الموضوع الجميل

طبعاً بمشي وابارك كمان

الدنيا قسمه ونصيب

والقسمه ما معاى لازم امشي واشارك الفرح

واغني في الليله ديك


تقبل مروري

اشكرك مرورك يا اختنا غربة وارتعاش ..

وردك العاطر ...

لكن انتي لمن تمشي وتباركي .. قلبك ما بوجعك ...

إلا تكوني نسيتي الزول ومسحتي بي استيكة من قلبك ..

ودمتي

ماامشى؟ هه ده كلام شنو وكمان حلاه مااقشر لى الحفله وارقص معاه واقول ليه مبروك تمشى باتا وتجى جزمه بى رباطها واقول لى مرتو مبروووووك تتهنى بيهو واطلب من الفنان اغنيه راجل المره حلو حلا

الاخت كلبوظه

نكتيهو من وين مرقتيهو الموضوع ده غبر .. ما عشرقتي لمن فتحتيهو

على العموم اشكر مرورك العاطر .. لكن يختي قلبك قوي كان كدي ..

يدك العافية غايتو لكن بعد الحفلة لمن ترجعي .. حتحزني شديد

على العموم اليوم ده ما بنتمناه لي اي زول

انا حصل لى ولا زعلته ولا حاجه الباعنى رخيص ببيعو وتانى قلبى مابطيعو

اصلو الحكايه اقسام وحكم الله هو الصائر

امشي امد ايدي البترجف لي ايادي ملانه حني وابارك واتملي مغسه واجي انوم

الاخ النار الحكايه دي حاصله معاك ولا الفهم شنو غايتو لو حاصله انا في رايي كا عزموك تمشي وكان ما عزموك ما تمشي الا كان قلبك ((حجر)) وكان مشيت قوليها زي ما قال اخونا الشاطرابي

((جيت في فرحك اشارك جيت اقول مبروك وأهني *** جيت امد ايدي البترجف لأيادي ملاني حن))
وطالما الاقدر بتحكم غصب عنك وغصب عني



وكان داير تبرررد النار الفي قلبك دي امشي راسك عديييل لي اغاني عبد الرحيم ارقي واسمع اغنيه محاسن
هههههههههههههههه الله يكون في العون

ما كان زمان بي تقولي لي انو الزواج قسمة ونصيب

على حسب لو خلتني بي ارادتا ول مجبورة

بعدين في الحالتين بفرح ليها

لانها هي كدي سعيدة

والبي يريد ماب يكره

القسمة والنصيب دي تعبت معاكم
طبعا بقولو.......... اسال مجرب وما تسال طبيب
والله كضاب البقول بيمشي انا كنت في اجازة وقبل عرس الزولة سافرت بيومين
بس ما هروب الاجازة انتهت
وبرضو تقول لي عادي وبمشي وبرقص وببارك
انتو نسيتو في الليله ديك والناس تبارك فرحتي حسيت باني غريب وغريبه انتي في دنيتي

طبعاً ده احساس غريب جداً جداً .. الله لاتورينا ليهو

انا في رايي البقول بمشي ويبارك عادي (زي ناس كلبوظة والشاطرابي) انا بقول ليهم واحد من اتنين : انكم ما حبيتو - او حبكم لسه بدائي يعني لسه ما اتعمقتو في الحب ..
انتو قايلين اسي البهاجروا لي بلاد برا ولا البخلو البلد ويجو الخرطوم ديل شنو؟ والله نصهم ماسكن الزي ده... اسع انا نصيحتي ليك يالنار في قلبك .. اصلها هي صدمة قوية وكل ماتعدي منها ساعة بتكون اخف من الاول لحدي ما تتلاشي .. انت في الفترة حقت يوم العرس لو حلتكم واحدي شوفلك طريقة ارحل منها وامش اقعد مع عذابة وارقد وقبل علي الحيطة وابك لامن ربنا يغفرلك لحدي ما المناسبة تعدي ... ولا تجرلك سبحة طويييييييييييييلة وتمسك في كتاب في كتاب الله اماني مابريحك وكتر من الاستغفار كل ما الالم يعصرك .. اصلو باقي عندو (الالم) انات قوية خلاص والله من قوتو تحس بان الكلام خيال خيال وكانو مافي شي حاصل وكانك انت ما انت .. غايتو شي يعلموا الله

الله يهون علي الزي ديل .. والله لاورانا ليهو!!!

تم الرفع للاستفادة