عتـــــــــــــــاب

تقدر تقول لى تعتذر أيه الحماك ؟
تكتب ترسل لىّ ولاّ جفيت براك ؟
***
وين رسايلك لىّ عاد .. قول لىّ يا أجمل ملاك
ما مرّن إسبوعين تمام انا فى إنتظارك وفى رجاك
ما كان فى داعى عشان أقول ما انت عارف الحال براك
يرضيك أكتم الريد واموت ولا انفضح للناس وراك
***
كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
***
ولا انت خلاص نسيت العشرة لمّا رحل هناك
ونسيت قليب كان ليك رفيق ياحليل خُطا السارِن معاك
ما كان بيتمناك سعيد ما كان بيشقى عشان شقاك
ومن حبه ليك بس ما فضل غير فى التراب يحضن خطاك

***
والله لو تسأل على أنا حالى بعدك حال عِداك
دنيايا ما زارها الصباح والنوم جفانى رحل معاك
وزمانى اقولو كفاى هموم يرجعلى تانى يقولى هاك
ياهو المقدر ياحبيب والدنيا مابتديك رضاك
***
أنا غايتو ناذر حبى ليك لا يحب ولا يعشق بلاك
حتى إنبقيت بالحب ودِر وشارف على درب الهلاك
ما دام سعادتى بشوفا فيك .. ما دام حياتى بقت هواك
فى الدنيا أحبك للممات وفى الآخرة برضى كمان معاك

الف الف شكر

احي الاستاذ ابراهيم ابنعوف

تحية ليك استاذنا ابراهيم وربنا يديك الصحة والعافية

الف شكر

ويا هلا بكل شعراء الشماليه والنيل

كل الود

كلما تجينى رسالة اقول ياروحى زولك دوب طراك
تقلدنى قوّى من الفرح وكتين أقول جوابا جاك
لكن فرحنا يعود دموع وألقاه تب ما خط يداك
ساكت بلا بالشوق عليك شحتف رويحيى المشتهاك
ابداااااااااااااااع

مافي كلام
قمه الروعه

لك كل ود يارائع

لك التحية علي هذه الروعة

الله يديك العافيه
ابداع والله