عينيك دنيتن تشقينى

غناء المرحوم القامة / النعام آدم

عينيك دنيتن تشقينى وفيهـا القـى السعـادة ارتـاح
مرة تجود على تشفينى ومرة تزيـد قليبـى جـراح
فيهـا تمـر تعـدى سنينـى بـى آهاتـا والأفـراح
ويومن فيهو تنعم عينى ويومن كلـو اقضـى نـواح
حالفة على دار تفنينى وبرضى أبسم واقولهـا صـاح
مادام العلى راضينى كيف فى احكاما أدور لى سماح
يعدى شتاها صيفا يجينـى بـى حـراً شديـد لفـاح
ويبقى شرابى دمعة عينى اطمن فـى القليـب النـاح
اقول داك السحاب غاشينى شوف يى داك بريقو اللاح
اقول يبقى الخريف طارينى يتفرق عصـار وريـاح
وبى ده أنا كلو ما هامينـى لا لا ولا شبابـى الـراح
أداوى جراحى كاتمو انينى عارفو عذابى ليها مبـاح
تبسم لى كتيـر تغرينـى واحكـى البلبـل الصـداح
وترجع بالسهر تورينـى ليلـن مـا لقيتلـو صبـاح
لا لا وحاتا وحات دينى لو فى موتى ليهـا صـلاح
ماب أقبل كمان يفنينى بالموت غيـر سلاحـا سـلاح
ابقى إن مت سديت دينى وابقى من العـذاب مرتـاح
وبعدين ذكرتك تكفينى وشعـرى اليبقـى لـى منـاح

رايعة بكل المقايس

تسلمي بت القرير

حفظك الله أيها الرائع

قمة الروعة مزيد من الابداع
مودتي