سر الختم تاج السر _ انا وانتي

أنا و إنتي الشاطي و الأمواج
تلاقي النسمة و النخل المجبد شال
حاضنو القيف و عينو عليهو
شقيش ما يميل تلقاهو طربان مال
و صوت القمري في النّسام
تلاقي حروفنا و الكلمات مع نغماً يقج هدّال
قبايل عيد ... خمايل ريد
ودفقة ضو ... صفقة و نم
وزاد الخير ..وطن ينجم ...بعد ترحال
وقار النيل ...مهيب بلحيل
اتوسد ضفاير الليل ... جنوب و شمال
صرخ بالشوق و فوق الفوقو جاب موال
مسادير صادحة إشراقات ..سحاب دوبيت
هطل إنصاف ... حريرة و فال
صُفاح أنهار مع البحر العميق فوار
قمر شاهد ... معاهو الليل ..سهول و جبال
وأرض حلفت ... شافت زفة المطرة وغنا الشلال
فراق الضو من الشمس الرضية محال
و النجم احتفل غطى الدروب بالسيرة
ماسك في إيديهو أطفال
عشانك إنتى فرش الواطة ضو طاهر رزين و حلال
ولبس الأغاني سيوف
دُخري الحوبة هزّ ورزّ شال شبّال
وزفوك يا مهيرة الروح .. للقلب الخفيف تقال
وانفتحت نفوسنا ديار ضماك بالعديل و الزين
وشلناك فوق رموش العين سرور و جمال

رااااااااائع يسلموووووووووو

الف شكر وتقدير

ابدااااااااااااااااااااااع والله يا لزيز