سر الختم تاج السر _ غني يا صاحي

غني يا صاحي و جيب نغم
لي شمالنا الخير و النعم
وأسأل الله نعود و نتلم
فيهوتاني نعيش و ننعم
@@@
فيهونبع الكرم الأصيل
والجمال الساحر أصيل
ضاوي زي قمراتو بالليل
فوق نخيلو و نيلو إكليل
@@@
نامي أخضر زي الشتول
حبو في وجدانا مشتول
لالا مابننسى و لاب يزول
وفيهو مابنسمع قول عزول
@@@
منو شدر الخير و الوفا
قج عطر الطيبة و صفا
فيهو غيدن ما ألطفا
ربي في القرآن وصّفا
@@@
ألحان حياة و نوار جروف
مابتشيل أوصافن حروف
لون رباهو و ريدو العفيف
منهن ساقتنا الظروف
@@@
فوق جبينو الطُهْر المصون
وفيهو سر النغم الحنون
كم كتبت و غنيت لحون
وقلت من الشعر العيون
@@@
داير أعود لى رباهو وأسلم
فيها أعيش اتهنا و انعم
ياما في بعدو انا ضقتْ ألم
لما جفف دمع القلم

الف شكر وتقدير