محمد احمد الحبيب وروعة تصوير المشهد

السلام عليكم

الليلة حابي افتح معاكم موضوع جديد وغير عن باقي المواضيع

حابي اتكلم عن الشاعر المرهف محمد احمد الحبيب من منا لم يستمع لقصيدة من قصائد هذا المرهف

وطريقة تصويرو للمشهد عامة وفي قصيدة المعسكر -رثاء عابدين- بشكل خاص

قام بتاليفها عام 1983 للشهيد ملازم اول عابدين مختار العجمى احد ابناء قرية الغريبه احد قرى

محافظة مروى قرب كورتى وقد كان صديق للحبيب وزميل دراسه فى مدرسة كورتى الثانويه

بعد التخرج التحق عابدين بالكليه الحربيه السودانيه وبعد التخرج من الكليه كان يقوم بعمل

التجهيزات لاكمال نصف دينه ولكن شأت الاقدار ان يتم استدعاؤه للسفر الى الجنوب لصد

احدى هجمات التمرد ومعه الحبيب وفى تلك المعركه استشهد الملازم اول عابدين امام نظر

الحبيب فكانت هذه القصيده والتى تغنى بها صاحب الصوت الشجي الفنان معاوية المقل .



وإليكم كلمات القصيدة

يـــا خـبــر عــــم المـعـسـكـر يـومـك اســـود وليـلـنـا عـاكــر
يـــا ظـــلام لِـــف فـوقـنـا دوِّر ومـــا أظـــن صـبـحـك يـبـهـر
تـانــي ويـــن فـجــرك يــنــور والـفـجــر ســكــن الـمـقـابـر
كـنــا زاحـفـيـن لـمــا فــرقــع فــي طـريــق الـزحــف مـدفــع
والـفـجــر قـدامــنــا تــرتـــع في عيونا الدنيا غمت لما شالوهو العساكـر
ويـــن حـلـولـك يـــا مـشـاكــل والــمــدافـــع والـقــنــابــل
يـومــي تـأكــل فـــي السـنـابـل لا متين يا السلم تظهر في الجنوب منك بوادر
يــا فـجـر لـــو كـــان بـتـطـرا فـــي زمـنــا الـكـنــا نــقــرا
يـــوم تـكــون الجـمـعـة بـكــرة لما كان عباس زمانو في مدارس كورتي ناظر
كــنــا دايــمـــاً زي تــوائـــم كــان مـعـانـا صـــلاح وحـاتــم
كـنــا نـمــلأ الـدنـيـا ضــجــة ويـرجـع الـصـدى فـــي العـنـابـر
يـــا الـفـجـر دنـيـانـا ظـلـمــة والـزمــن مـــا عـنــدو ذمـــة
لـيــه يـفــرق بـيـنــا ضــمــة عينا لي أحلامنا حرقت ومن قبيل كانت نواضر
مـــا أظـــن بــعــدك بـنـفــرح وفــي ضلوعـنـا خـيـول بـتـمـرح
ومــن جـريـهـا شـــرار بـيـقـدح مــن لـقـاء الـحـصـى بالـحـوافـر
يــا الفـجـر مـــا شـفــت أمـــك بــي حنـانـا هـــي دار تـضـمـك
زورا لـــو كـــان فـــي مـنـامـا لـمــا يـبـقـى الـليــل أواخــــر
تـبـكــي حـزنـانــي الــمــدارس والــجــوامــع والـكــنــائــس
والـبــويــتــات الــعــوانـــس والنخيل الفي بلدنا والمصحـات والمتاجـر
يــا عـريــس مـــن دون حـريــرة يــــا حـفـيــد أولاد مـهــيــرة
يـــا الرجـالـتـك مـافــي غـيــرا يوم يجيبو ثناء القبائل بيك يا عابدين نفاخر
بـكــرة ذكـــرك يـسـمـو يـكـبـر زي حــجــر لــمــان نـقـذفــو
لـمــا وجـــه الـمـويـة يـصـفـو تـبـدأ دائـــرة صـغـيـرة تـطـفـو
وفـــي ثـوانــي نـواتــا تـكـبــر وتـبـقـى مـــن عـــدة دوائـــر
يــا شهـيـد يــا عـالــي قـــدرك كـــل زول يسـمـعـبـوا ذكــــرك
لـيـك يـكــون عـرفــان بفـضـلـك حيا دمع الساري قبرك والسحيبـات البواكـر

لاحظو معي روعة الكلمات التي عند سماعها او قراءتها تعطيك احساس وكانك كنت في قلب الحدث وتشبيه الشهيد بالفجر

التحية لك استاذنا الحبيب والتحية ايضا للمبدع معاوية المقل

كـنــا زاحـفـيـن لـمــا فــرقــع فــي طـريــق الـزحــف مـدفــع
والـفـجــر قـدامــنــا تــرتـــع في عيونا الدنيا غمت لما شالوهو العساكـر


لوحة متكاملة جمعت بين روعة اللحن والاداء للفنان معاوية المقل ..
ودوزنة الكلمات للقامة محمد أحمد الحبيب ... ودقة في الوصف متناهية .. فعلا تحس بي نفسك كنت معاهم ...

وتتجلى كل الروعة في طرحك النادر ...والمتميز للأغنية ...


سلمت يدينك حبيبنا ود الشمالية .. وياريت تكرر الفكرة .. لانها بالجد غيــــــــــر ..



ودمت

الرائع النار في قلبي

شكرا لك على التعقيب والطلة البهية

واقلصيدة تعد واحدة من الروائع التي تشف عن قدرة الحبيب على التعبير

عشانك لي بلادي بغني وأهديهم سلامـي الحـار

لي أهلي وصغِّير بيتنا لي نـاس ستنـا وعمـار

بهديهو السلام الغالي للنـاس الصغـار وكبـار

للزول البيسأل عنـي والـزول البعيـد والجـار

للعيش الطوال بي غادي في الجزيري والأزهـار

للطير البينزل فوقو ختـف رزقـوا منـو وطـار

لي كل المزارعين جملة والتاجـر مـع النجـار

والميزان وحتـى المويـة والطوريـة المنشـار

للنيل والنخيل الذاكـرو والناسيهـو والأشجـار

للعش اليميل بي فراخو ساعة النسمة في الأسحار

لي أرض القلوب الطيبة أرض الطيبة والأخيـار

للجاهل صغيِّـر قوزنـا مـن نافعابنـا للمختـار

ما أجمل ليالي البهجة في داركـم مـع الأوتـار

مشتاق لي مدايح السيرة في برداً شديد والطـار

أما عن العلي والبي بي لطفـوا الكريـم ستـار

تسلم يا رائع يا ود الشماليه

وللقامه محمد احمد علي الحبيب (شاعر العابرات)

وقريباً جداً بالمنتدي العابرات بصوت الحبيب

اصلا الاستاذ القامه محمد احمد الحبيب شاعر مرهف ويمتلك فن التصوير بكل ما فيه من احداث وكثير من الشعراء اشتهروا بهذا في ديارنا
الحبيب مثل نفسه بالحديث الى (العابره )واستخدمها كثيرا في قصائده لتكون له رفيق الغربه وامه التي يشكي لها المه ولكن في الشعر العاطفي استخدم اسم حبيبته التي عرفت ( فاطني )
والاجمل في شعره انه يخاطب بالمباشره يعني بالتوجيه الى الشخص مباشرا

ما اروع هذا الرجل وما اروع تلك القريه التي انجبته هو والشاعر الكبير ابراهيم ابنعوف ( اوسلي )

التحيه ليك اخونا ود الشماليه والتحيه للفنان القامه معاويه المقل,,

قالها:- زاكرك في غناي بي الدغري ما زي البقولو فلانه
عارف لو دخلنا ضفورنا الناس برضو ما خالانا

في زول عارف سر الكلام ده؟

تسلم ود الشماليه احيى احساسك المرهف والحبيب ليهو قصايد كتيره حلوه ارجو نشرها

دمت . . .

الشاعر ود الحبيب
قصائده روعة
وهو يبالغ في التصوير
وهذه القصيده روعة وحزينة في نفس الوقت

يا سلام علي الابداع الذي ياسر القلب
وتتقزم امامه المفردات
من منا يستطيع ان يعلق علي مفردات الحبيب
رحم الله الشهيد عابدين مختار العجمى
والتحية لك أخي ود الشمالية

ولاتعليق .. فالموضوع اكبر من أن نفسده بتعليقاتنا
ولك الود وكل التقدير والاحترام

والله ابداع
نشكرك ي ود الشمالية
والى الامام دوما

لا بد لابد من الثوثيق لهذا المبدع الفريد
مشكور ود الشمالية

يا خبر عم المعسكر من اجمل ما سطره يراع المبدع الحزين الحبيب فى الحزن العميق الحبيب رجل يعرف كيف يطوع الكلمة ويجعلها طرية يشكلها كيفما يشاء و متى ما يشاء ولعمرى هو من فحول شعراء المنطقة.
بس لو يدى شوية اهتمام لى شعروا كان اصبح علم على نار فى جميع انحاء السودان ليس فقط فى المنطقة الشمالية و حسب لانه من القامات والخامات قل ما تجد مثلها
اعجبنى هذا البيت يا ود الشمالية وياريت تورينا قصتو ولو فى مجال القصيدة كاملة لانها من ضمن الذكريات التى ضاعت منى عبر دهاليز الزمن.

ذكراك فى غناى بى الدغرى ما زى البقولا فلانه
عارف لو دخلنا ضفورنا الناس برضو ما خالانا

تسلم يا ود الشمالية ارجعت لى شريط ذكريات مع حبيبنا الفنان عثمان عبد العظيم و هى سانحة طيبة ارسل له فيها تحياتى

مشكورين شباب على تعطير البوست

إت آود الشمالية ضربك الهمبريب و اخدتلك غفوة فى راكوبة الشايقى

وهو انا وين لقيت الهمبريب

مشكور على الموضوع الرائع ياود الشمالية

مشكور الاخ والشمالية
ومن عبرك الاستاذ القامة محمد احمد الحبيب

يافاطني اسقيني وادي القدح تره
انا تاني مابقدر إتمطق الحسره
داير اعيش هيمان لامن يطل بكره

فى مركب هوانا ابحرنا فى زمن القدر اختارو ماقيلين ودادنا الصافى ماحنجنى غير تذكارو
مبالغه الشاعر الحبيب وعنده الكثير الذى يذهل العقل وتسلم الغالى جدا جدا ود الشمالية
تقبل مرورى العــــــــونى

تسلم يا صديق