اقنعيني

نتـرة الوجـع الشديـد وقمـة الهـم والمـآسـي
اقنعيني إنك سعيـدة وخلـي قلبـي وراك يقاسـي
وشن طعم كل الغناوي الفيها ما بتضحـك عيونـك
وآيه تكون حتي السعادة في سماء الاحلام بدونـك
يا مرايات ذاتي حبـك فجـر الاحسـاس بكونـك
غنوة في خاطر صحايـه ومنـه تتوسـد نعاسـك
يا وطـن فيهـو اتخلقتـا ومنـو طـول اغترابـي
وقسمتك بي غيري تبقي وتبني عزك فوق شبابـك
القي في عينيك قسمتي ابقـي لـى جـوا عذابـي
وشايل اشواقي وجراحي وديمه طاريك وانتى ناسي
وبي بصيص عشم تتاوق روحو من سخر اندهاشه
وكستا في الواقع ملامحك والخيلات حولى ماشـه
لا مدن عينيـك غشنـي وستفنـي مـن البشاشـه
ولا رضيت في اللجه اغرق ولا قنعتا من المراسي
وانت بالذات تستحقـي كـل غنـاي وتضحياتـي
وقلبـي يستنـاك معلـق فـي سمـوات أمنياتـي
وما مهـم القـاك حبيبـه المهـم اهديـك حياتـي
وتاني اهديك باقي عمري قلب ينبض وكل حواسي
لسه في احزاني راحل تحتي لوعه وفوقي شـوق
حسـره تملانـي وتدفـق روح تسـارق للمـروق
ما شكيت للدنيا حالى حاشا ليلـي نهـاري سـوق
وفي القلب شايل ملامحك بيها اتصابـح واماسـي.

لك التحية إبراهيم الصغير
والتحية للرايع المبدع محمد سفله

شكرا يا سمي ودمت رائعا

لك التحية يا ابراهيم الضغير
و لمحمد سفلة

ابداع بمعنى الكلمة ياراقى

الف الف الف شكر ابراهيم

تجي تترجي بالدمعات واسامحك أنسي أغفر ليك ,,, أجفف دمعك الغالي وأسامحك ماعشان عينيك ,,, عشان تتعلم الغفران وتصفح لو زمن جار بيك ,,, وحاول لو قدرتا كمان تقدر رقة الحابيك

لك التحية ايها الرائع

قـــــــــــــــويه شـــــــــــــــديد