اتحـــــــــداك

اتحداك كلمه تقولا زيك زي بقيت الغير
وماب تقدر دروبي تفوته ما دام بى هوايا ضرير
oooo
احداك....واتحداك....اتحداك.... (مو) تصغير
لاكين شان اوضح ليك حبل القول ده حدو قصير
الفارس الدرعو مواضي يستبسل يصول ويغير
بحكم قيدو من فد نظره يبقى تحت هواني اسير
oooo
لو باريت سرات النقعه تلقى مطر حنيني غزير
تحتار في جفاف الوادي لما خريفي يبقى هجير
تتكسر تقع ازهارو يرحل من غصونو الطير
والميس البودر ليلك أوصل لي مضاربو عصير
oooo
البلعب شيليل بى قلبي بكسب بى رهانو كتير
بلعب بى عواطفو السيجه واجدعو للسمك في الكير
الرخ التكتلو الطابيه احسن من يكتلو وزير
ما دام الملك في دارو يكتلو جندي في الاخير
oooo
الضاق العسل من امو قبل النحله منو تطير
يحرس للخليه الفاضي لو تديهو كان قطير
والشاف البحر بى عينو ما بيرضى الورود للبير
لاكين البيزرع وماشي يجني وكت حصادو الصير
oooo
لو محتاجه يجرو ورايا زيك كت بسوقو اسير
ساعه بى هواى مابتوعى تلهج بى غناي سكير
كيف ارجاك بعد ما فته واختارت قوافلي تسير
في سكه دريباً زولو مابيعرف خلافي سمير
oooo
قاسي محال تفوت تنساني لو تقضي العمر قرقير
بسكن في خيالك ماضي ينهك عقلك التفكير
والعب بى منامك ذكرى طرفي ينوم ويهنى غرير
والشوق البجيبا خطاك مابتلقالو يوم تفسير
oooo

للأسف كتره الاخطاء فقدت القصيدة معناها تماماً ياغربه

بالجد القصيده كانت ح تكون اجمل لو كُتبت صحيح

لو باريت سرات النقعه تلقى مطر حنيني غزير
تحتار في جفاف الوادي لما خريفي يبقى هجير
تتكسر تقع ازهارو يرحل من غصونو الطير
والميس البودر ليلك أوصل لي مضاربو عصير