ياباكـــــي

يا باكي من نار الغرام وأحزانو في البلد البعيد
انا قلبي من حبك نزف طيفك ده حاميني الغميض
**************
لي جيتي في زمن البكا الماخد مشاعرو من الصخور
ومرقتي من جوف الصعاب فرحاً بيملى الدنيا نور
املي ومناى اكون معاك ومعاك اعيش عمر الزهور
نتعاطى كاسات الهوى انا وانتي والنجم البعيد
*************
دورت في كل البقاع ما شفت غير عينيك عيون
صبت مسارب الروح عليك غمرت هواى والحب جنون
قنبت فوق صبري وبكيت وهدب بكاى صمت الظنون
عصفت رياح البين تشيل مركب هواى والقيف بعيد
*************
خايف اموت ويموت هواك مويه برودي تكون دموع
واقف على باب العشم راجي الفجر مابي الطلوع
في صدري هم والخوف يجول يلعب مسوي غناى دروع
رعباً بيملا الدنيا خوف رغم الفرح والدنيا عيد
*************
وشلت دموع اشواقي شوق ملت عيوني من الوشل
شاخت مشاعري على هواك كيف البشيخ يرجع طفل
بديت روايتي مع الزمان اكتب واعيده فصل فصل
نفذ المداد قبل الختام تميته بى دم الوريد
*************
دليت دلو الحظ اجيك من عتمه الزمن الغلط
نقطه سعاده تكون رحيق لى زهره اوراقه انطوت
جريتو عاد زي ما رميت ابيارو كانت قاطي قط
صحاني من نومي الهجير فتحت كان الدنيا هِيد
*************
فارقت لى امي الحنو قبال اشوف وشيها زين
لكن لقيتك انتي نور دافر ظلام قلبي الحزين
الله اذا ضاع الهوى وضلت خطاى بعد الحنين
بحصد رجاك بزرة ندم واصبر على حزني الشديد

ماني عارف شن بقول انا يانجيمات زاتي حاير

التركيز واجب في الكتابه تجنباً للاخطاء

تسلـــــــــــــــــــــــــــــــــــــــــــــــ ــــــــــــــــــــــــم

نضم والله ابدااااااااااااااااااااااااااااااااااااااااااااااا اااااااااااااااااااع

لك مني كل التحايا والود ياشاعر ياجميل ... أتمني لك التوفيق ... ودمت زخرا للبلد ولوطنك الصغير ( العفاض ) ....
تحياتي ....

وشلت دموع اشواقي شوق ملت عيوني من الوشل
شاخت مشاعري على هواك كيف البشيخ يرجع طفل
بديت روايتي مع الزمان اكتب واعيده فصل فصل
نفذ المداد قبل الختام تميته بى دم الوريد

يا باكي من نار الغرام وأحزانو في البلد البعيد
انا قلبي من حبك نزف طيفك ده حاميني الغميض
**************
لي جيتي في زمن البكا الماخد مشاعرو من الصخور
ومرقتي من جوف الصعاب فرحاً بيملى الدنيا نور
املي ومناى اكون معاك ومعاك اعيش عمر الزهور
نتعاطى كاسات الهوى انا وانتي والنجم البعيد