ياحره

ياحره
يوم جهجك صوت الرعد
برق الخريف ماوجهك
يوم شد حاديك وابتعد
نعش الضمير مانبهك
يالواقفه فى مفرق دروب
يالخايفه من الفى الغيوب
من دربي شن داير يشدهك
*******
مانحن يا شبه البدر
وارثين من ايوب الصبر
ضايقين تباريح الغرام
والغربه والشوق الجمر
واكبر من الليل الدخل
جاييناغاير ومنتهك
*******
قيفك رتع وزينو عام
وانشر فوق شاطي الحمام
والشيمه والعرق اللوي
ردد مع الموج السلام
لمن حلم نسام
اقيف يالغاليه اندهك
*******
لا اتيتم الريد لا غرق
لا عشو اتلافه العرق
اصلو الدهب بيزيد بريق
كل مانجض فى النار حرق
ما اصلو تجار الرقيق
ياحره لازم تكرهك
*******
طاوعيني ضوقي المر معاي
غيرك منو الساند قفاي
قالو لي بضحك فى الاخير
كان طال بي في الاول بكاي
لا تحزني كان ساقك هواي
فى وحشت الليل نزهك
*******
احلامنا لو ضقنا الهوان
فى دوبه يا حور الجنان
رغم الجراح فالنبتسم
نكسر حواجز الامتحان
لمن يبين الفي الاسم
والطلعه والزي يشبهك

مااصلو تجار الرقيق ياحرة لازم تكرهك

لك الف شكر ياراقى

‏ مشكور كتير ‏
من اجمل القصائد وكمان ودالنصري ابدع في الاداء

تسلم والله يا خالد حيدر

مشكورين علي المرور الجميل عطرتم البوست

روووووووووعه


وبس

تسلم ياراقي

طاوعيني ضوقي المر معاي
غيرك منو الساند قفاي
قالو لي بضحك فى الاخير
كان طال بي في الاول بكاي
لا تحزني كان ساقك هواي
فى وحشت الليل نزهك

مافيك كككككككككككككلام ابداع عديل كدي

شكرا ليك مبدع والله

اصلو الدهـــــــــــــــب بيزيد بريق كل مـــــــــــــــا نجض في النار حـــــــرق